Negizinen Lıýbov Bodrıkova bes jyl boıy dárigerlerdiń esigin tozdyrǵannan keıin sońǵy úmiti aqmolalyq onkologtarǵa júginipti. Oń jaq san etinde paıda bolǵan neırofıbroma óskini 10 kelige jetkennen keıin hırýrgııalyq áreketke barmasqa amal qaldyrmaǵan. О́tken jyldyń 27 maýsymynda Zerendi aýdanynyń turǵynyna Aqmola onkodıspanserinde ota jasalǵan. Atalǵan isikti alyp tastaý úshin 4 saǵattyq ota qajet bolypty. «Meniń ishki sezimimdi sózben aıtyp jetkizý múmkin emes. Shyn kóńilden oblystyq onkodıspanser dárigerlerine rızashylyǵymdy bildiremin. Sizder maǵan árbir kúnniń rahatyn sezinýge múmkindik berdińizder. Endi men balalaryma kómektesip, nemerelerimdi tárbıeleıtin bolamyn», deıdi Lıýbov Vasılevna aǵynan jarylyp.
Aqmola onkodıspanser torakal bóliminiń meńgerýshisi Ivan Zelenskıı ota nátıjesine kóńili tolǵandyǵyn, dese de aýrý qaıtyp oralmaýy úshin salmaq tastap, zat almasýdy jaqsartý jáne júrek-tamyr aýrýlaryn emdeý qajettigin jetkizdi.
Asqar TURAPBAIULY, «Egemen Qazaqstan»
Aqmola oblysy
