Júrgizýshilik kýáligin alǵan soń jastyq jalynmen alǵash «GAZ-51» kóliginiń rýline otyrady, mindeti – aýyldarǵa nemese kórsetilgen mekenderge hat, nan, taýarlar tasý. Isine tııanaqty qyzǵa keıin jańa kólikter berile bastaıdy, sý jańa «ÝAZ»-dyń da alǵashqy júrgizýshisi bolady.
Qazirgi tańda Nesiphan apa oblystyq temir jol qoımasynda eńbek etedi, qoımaǵa keletin taýarlardy qabyldap, qajetti orynǵa jetkizedi. Al kólik buzylsa, ony jóndeý áje úshin qıyn sharýa emes, kez kelgen bólshekti ózi jóndep, motordy shashyp qaıta qurastyrý ol úshin úırenshikti jaǵdaı. Tipti, bul sharýalarda aldyna jan salmaıdy deýge bolady.
Ujymy ony óz isine tııanaqtylyǵy, shıraqtyǵy úshin qatty qurmetteıdi jáne otbasynda kelin jumsap, nemere tárbıelegen áje retinde syıly. О́z ortasyna kóńildi qurby, týystaryna aqylshy apa, ardaqty ana, ujymda kóp áńgime aıtyp buldanbaıtyn, jumysyna jaýapkershilikpen qarap, tapsyrylǵan tapsyrmany bar nıetimen oryndaıtyn Nesiphan áje ózi qazir júrgizip júrgen «Gazel» kóligin urshyqsha ıirip, zyrǵyp júr. Tyń, densaýlyǵy da jaqsy.
– Men syıymdylyǵy úlken, minezi qalypty óz kóligimdi jaqsy kóremin. Biraq, adamdar maǵan jasyma baılanysty suraqtar qoıyp, «nege úıde otyrmaıdy eken?» dep janashyrlyq tanytyp jatady. Balalarymnyń da kólik aıdap, júk tasyǵanymdy qalamaǵan kezderi boldy. Al men densaýlyq bar kezde qoǵamǵa paıdaly is jasaý kerek dep oılaımyn, – deıdi ol.
Gúlaıym ShYNTEMIRQYZY, «Egemen Qazaqstan»
Mańǵystaý oblysy
