Eske sala keteıik, bıyl aqpan aıynyń basynda «QazAgro» Ulttyq holdıngi kóktemgi egis jumystaryn qarjylandyrýdy bastady. Baǵdarlamanyń operatory retinde «Agrarlyq nesıe korporasııasy» AQ (Korporasııa) bekitildi.
Qazirgi tańda Qazaqstannyń barlyq aımaqtarynan tikeleı Korporasııaǵa, kredıttik seriktestikter, mıkroqarjy uıymdary men ekinshi deńgeıli bankterge jalpy somasy 73 mlrd teńgeni quraıtyn 1324 ótinish kelip tústi. Sonyń ishinde:
Eń belsendi sharýalar - Ońtústik Qazaqstan oblysynda. Bul aımaqtan 2,4 mlrd teńgeniń 805 ótinishi kelip tústi.
Fermerlerdiń ótinishterinen quralǵan egistik kólemi boıynsha jospar shamamen 3 mıllıon gektardy qurap otyr. Onyń 1,1 mıllıon gektary basymdyqqa ıe daqyldardyń egistik jerleri. QR Aýyl sharýashylyǵy mınıstrliginiń jospary boıynsha basymdyqqa ıe daqyldardyń egistik kólemi kem degende 597,4 myń gektardy quraýy tıis. Iаǵnı, qazirgi ótinishterdiń barlyǵy maquldanatyn bolsa, jospar eki ese artyǵymen oryndalýy múmkin.
Sharýalardan túsken ótinishterge saı, maıly daqyldardyń egistik kólemi boıynsha jospar qazirgi tańda shamamen 670 myń gektar, al arpa – 372,5 myń gektardy quraıdy. Basymdyqqa ıe ózge daqyldar (bıdaı, kókónister, baqsha, burshaq, bir jyldyq, kóp jyldyq shópter, qaraqumyq, tary jáne t.b.) boıynsha kelip túsken ótinishterge saı egistik kóleminiń jospary 1,87 mıllıon gektardy qurap otyr.
Budan buryn habarlanǵandaı, 2017 jyly kóktemgi egis jumystaryn qarjylandyrýda basymdyqqa ıe bolatyn birqatar aýyl sharýashylyǵy daqyldary belgilendi. QR Aýyl sharýashylyǵy mınıstrligi egistik alqaptaryn ártaraptandyrý maqsatynda, bıylǵy nesıeleýde birinshi kezekte myna daqyldarǵa basymdyq berip otyr: maıly daqyldar (kúnbaǵys, raps, zyǵyr, soıa), arpa, qant qyzylshasy, kúrish, astyqqa arnalǵan júgeri, maqta, suly men kartop.
Basymdyqqa ıe daqyldarǵa bólinetin 38 mıllıard teńgeniń somasy 2017 jyldyń 1 sáýirine deıin saqtalady. Budan soń qalǵan aqsha sharýalardan túsken ótinishter boıynsha úlestiriledi. Eger bul qarastyrylǵan qarajat tolyqtaı ıgerilmese, qalǵan aqsha barlyq daqyldarǵa, sonyń ishinde basymdyqqa ıe daqyldarǵa da beriletin bolady.
2017 jyly otandyq agrarıılerdi qoldaý maqsatynda respýblıkalyq bıýdjetten 60 mıllıard teńge bólingen bolatyn. Bıýdjet aqshasynan bólek kóktemgi egis jumystary ózge qarjy kózderinen, sonyń ishinde Korporasııanyń menshikti qarajatynan qarjylandyrylady. Korporasııa 2009 jyldan beri «Keń dala» baǵdarlamasy boıynsha sharýalarǵa 173,5 mıllıard teńgeniń nesıesin berip úlgerdi.
«Agrarlyq nesıe korporasııasy» AQ básekege qabiletti aýyl kásipkerligin damytýdy yntalandyratyn qoljetimdi nesıelendirý júıesin qalyptastyrý boıynsha memlekettik saıasatty júzege asyryp keledi.
Korporasııa «QazAgro» ulttyq basqarýshy holdıngi kompanııalar tobynyń quramyna kirip, sonyń tikeleı jetekshilik etýimen Qazaqstannyń barlyq oblystarynda ornalasqan 13 fılıal men ókildikterinde óz qyzmetin júzege asyrýda aýqymdy jumystardy atqaryp otyr.
