Boks • 27 Naýryz, 2017

Golovkın salmaǵyn aýystyra ma?

371 ret

kórsetildi

1 mın

oqý úshin

Orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın (37-0, 33 KO) meksıkalyq Saýl «Kanelo» Alvarespen (48-1-1, 34 KO) jekpe-jek ótkizý máselesi boıynsha ortaq kelisimge kele almasa, salmaǵyn aýystyrýy múmkin. Bul týraly onyń bapkeri Abel Sanches málimdedi, dep habarlady vesti.kz.

Egemen Qazaqstan

«Gennadıı orta salmaqtaǵy barlyq belbeýlerdiń basyn qurasa, bul dıvızıonda qalýdyń esh máni joq. Maýsym aıynda jospar boıynsha Bıllı Djo Sonderspen kezdesý ótkennen keıin GGG ekinshi orta salmaqqa jol tartady. Al ary qaraı... «Kanelo» kelisse, onymen judyryqtasamyz. Bul múmkin bolmaǵan jaǵdaıda sýper orta salmaqqa kóshemiz», – dedi Abel Sanches.

«Sýper orta salmaqta aıtýly jekpe-jekter ótkizemiz. Bul salmaqtaǵy jigitterdiń Golovkınge qanshalyqty qarsylyq tanytatynyn kóreıik. Qazirdiń ózinde Hılberto Ramıres shákirtimmen qolǵap túıistirýge daıyn ekendigin málimdedi», – dedi ol.

Aıta keteıik Golovkın-Sonders aıqasy Astanada EXPO-2017 kórmesi aıasynda ótetini habarlanǵan bolatyn. Al «Kanelomen» jekpe-jek qyrkúıek aıyna josparlanyp otyr.