Ýaqyt talabyna saı is-qımyl

Máselen, Qazaqstan úshin negizgi min­det­terdiń biri – ekonomıkany ártarap­tan­dyrý. Al ekonomıkany árta­rap­tandyrý jańa ári áleýetti kásiporyndardyń ashy­lýyna múmkindikter beredi. Ol buryn­ǵyǵa qaraǵanda kóptegen jumys oryn­darynyń ashylýyna jaǵdaı jasaıdy. Bul óz kezeginde  ekonomıkalyq ósim alyp keledi. 

Qazaqstan isker toptarǵa barynsha jaǵdaı jasaýǵa basa nazar aýdarýda. Qazaqstan sońǵy birneshe jylda isker toptardy kótermeleý, olarǵa jaǵymdy orta qalyptastyryp berý isi boıynsha kóptegen sharalardy júzege asyryp, sonyń nátıjesinde álemdik Doing Business reıtınginde 35-shi orynǵa jaı­ǵasty. Bul Qazaqstan úshin óte jo­ǵary kórsetkish. Osy salada Qazaqstan­nyń jaqsy nátıjelerden kórinýi Pre­zı­denttiń únemi qoldaý bildirýimen tike­leı baılanysty dep oılaımyn.

Qazaqstan úshin ekonomıkany ár­ta­rap­tandyrý barlyq sala boıynsha jaqsy kórsetkishterge jetýge jol ashady. Ásirese, kórshi eldermen saýda-sattyq jasaýda óz tıim­diligin kór­setedi. Meniń oıymsha, ekono­mıkany ár­ta­raptandyrý aýyl sharýashy­lyǵyn damytýǵa, qyzmet kórsetý salalaryn jetildirýge tyń serpin beredi. Bul oraıda isker toptarǵa ońtaıly klımat qalyptastyrýǵa, sondaı-aq, tehnologııalyq jańǵyrtýǵa basa kóńil aýdarǵan jón.

Joldaýda makroekonomıkalyq turaq­­tylyq máselesi atap kórsetilgen. Shyn mánin­de, makroekonomıkalyq turaq­tylyq óte mańyzdy. О́ıtkeni, ol uzaq merzimdi ósim­niń áleýetin nyǵaı­tady. Qazaqstannyń ornyq­ty mak­ro­ekonomıkalyq foktorǵa ıe bolýy onyń ózgelermen áriptestik áleýetin kúsheıte túsedi. Sondaı-aq, ınvestorlardyń Qazaqstanǵa degen senimi artady. Bul Qazaqstan ekonomıkasynda ósimniń uzaq ýaqyt boıy saqtalyp turýyna múmkindik beredi.

Sondaı-aq, Joldaýda bilim berý salasyna aıryqsha kóńil bólingen. Dúnıejúzilik bank Qazaqstannyń bilim salasyna qatysty baǵdarlamalaryna únemi qoldaý bildirýde. Dál osy sa­la boıynsha biz birneshe jyl boıy Qazaq­stan Úkimetimen birlese jumys istep kelemiz.

Taǵy bir aıta keter jaıt, Qazaqstan­da aýyl sharýashylyǵynyń keleshegi zor. Men únemi «Aýyl sharýashylyǵy salasy – eskiliktiń qaldyǵy emes. Oǵan bizdiń bola­shaǵymyz tikeleı baı­lanysty. Máselen, qazirgi tańda álem­degi jumys berýshiler­diń eń irileri azyq-túlik ónimderin óndirý­shilerge tıesili», – dep aıtyp júremin. Bas­qany bylaı qoıǵanda, Qazaqstanmen kórshi memleketterdiń azyq-túlik taýarlary­na degen suranysy artyp keledi. Qazaqstan­nyń bul suranystarǵa laıyqty jaýap berýine múmkindigi mol. Osy oraıda, eldiń geogra­fııalyq ornalasýy, qunarly egistik jerlerdiń kóptigi Qazaqstannyń aýyl sharýashylyǵy salasyndaǵy basymdyqtary bolyp tabylady.

Sırıl MÝLLER, 

Dúnıejúzilik banktiń Eýropa jáne Ortalyq Azııa boıynsha vıse-prezıdenti