Azamattyq bastamanyń tıimdi joldary

Atalǵan is-sharany ótkizýge Qazaq­­stan­nyń azamattyq alıansy, «Atame­ken» Ulttyq kásipkerler palatasy jáne Sybaılas jemqorlyq­qa qarsy medıa-ortalyq muryn­dyq boldy. Al Mem­lekettik qyzmet isteri jáne sy­baı­las jemqorlyqqa qarsy is-qımyl agent­tigi atalǵan bastamaǵa jáne is-sha­ra­ny uıymdastyrýǵa qoldaý bildirdi.

Kongress jumysyna Parla­ment depýtattary, memlekettik organ­dardyń basshylary, azamattyq, kásipodaq, etnomádenı birlestikterdiń jáne basqa da azamattyq ınstı­týttar­dyń ókilderi qatysty.

Is-sharada sybaılas jemqorlyqqa jalpy tózbeýshilikti qalyptastyrý, qoǵamdy sybaılas jemqorlyqqa qarsy bastamalardy júzege asyrýǵa tartý máseleleri keńinen talqylandy. Sondaı-aq, agenttiktiń túsindirý ju­mys­taryna qatysty jańa amaldary aıtyldy.

Naqtylaı aıtar bolsaq, «Esik­ten esik­ke» baǵdarlamasynyń sheń­berinde naýryzda Astananyń bar­lyq turǵyndary kommýnaldyq qyz­met tólemderi qaǵazdarymen qosa sybaılas jemqorlyqqa qarsy jady­na­malar aldy. «Parasyz bola­shaqqa. Birge» uranymen sybaılas jem­qor­lyqqa qarsy shaǵyn top óz jumys­yn bastady. Bul top nasıhat jumys­taryn eńbek ujymdarynda júrgizýde, sondaı-aq, azamattardy qabyldaýdy júzege asyrýda.

Budan basqa, agenttik Qazaqstan azamattyq Alıansymen, Qazaqstannyń Kásipodaqtar federasııasymen jáne Sybaılas jemqorlyqqa qarsy medıa-ortalyqpen birlesip, 5 jobany júzege asyrýdy josparlaǵan. Olar: «qupııa satyp alýshy» ádisimen qoǵamdyq aýdıt; memlekettik qyzmette múd­de­ler qaqtyǵysyn qarastyrý; satyp aly­natyn qyzmetter jáne taýar­lar­dyń dáleldengen baǵalaryna mem­­le­­ket­tik satyp alýlardy monı­to­rıng­teý; eńbek ujymdarynda sy­baı­las jem­­qor­lyqqa qarsy nası­hat jáne sy­­baılas jemqorlyq táýe­kel­derin tal­daý; «Joldarda» sybaı­las jem­qor­lyq­qa qarsy is-qımyl boıynsha 10 qadam.

Qazaqstan azamattyq alıansymen birlesip, kórsetiletin barlyq áleý­mettik mańyzdy memlekettik qyzmet­terge «qupııa satyp alýshy» ádisimen qoǵamdyq aýdıt ótkizý josparlanýda. Onyń nátıjesi boıynsha tosqaýyldar men ákimshilik kedergiler anyqtalyp, aıtarlyqtaı tıimdi qarsy sharalar usynylatyn bolady.

Jaqyn týystardyń birge jumys isteýi, áriptesteri men qaýymdas­tyq úshin belgili memlekettik sa­typ alýlar kezindegi tıesililik, olar­dyń ishin aralyq qarym-qatynasy – osyǵan uqsas faktilerdi habar­laý bul jumysty aıtarlyqtaı tıim­di etedi. Odan bólek, qoǵamdastyq­tyń qaty­sýymen satyp alynatyn qyz­met­ter men taýarlardyń baǵasy negizde­mesiniń memlekettik satyp alýlaryna monıtorıng júrgizý josparlanýda.

Qazaqstannyń Kásipodaqtar fede­rasııasynyń tarmaqtalǵan júıesi jáne salalyq mamandanýy sybaılas jemqorlyqqa qarsy nasıhatpen eń­bek ujymdaryn qamtýǵa jáne tıisti salalardyń sybaılas jemqorlyqqa qarsy táýekelderin tereń jáne naqty taldaýǵa múmkindik beredi. Salalyq kásipodaqtar ókilderiniń qatysýy­men taldaý jasalynatyn segiz sala anyqtalǵan.

«Para berme jáne alma!» qaǵı­dasyn júzege asyra otyryp, Sybaı­las jemqorlyqqa qarsy medıa-orta­lyq agenttikpen birlesip elimiz­diń barlyq aımaqtarynda jol polı­sııasy men jol qozǵalysy qatysý­shylarynyń qarym-qatynasyn trans­formasııalaýǵa baǵyttalǵan «Jol­darda sybaılas jemqorlyqqa qarsy is-qımyl boıynsha on qadam» ar­naıy jobasyn júzege asyrýda. Negizgi maq­sat – eki taraptyń minez-qul­qy­nyń sybaılas jemqorlyq modelin joıý jáne «para berme jáne alma» qaǵı­dasyn júzege asyrý.

Jalpy, Kongrestiń qatysýshy­lary jańa sybaılas jemqorlyqqa qar­sy bastamalardy joǵary baǵalady jáne qoǵamda sybaılas jemqorlyq­qa tózbeýshilikti qalyptastyrý boıynsha yntymaqtastyqqa daıyn ekendikterin bildirdi.