Ál-Farabı atyndaǵy Qazaq ulttyq ýnıversıteti Túrksoı kafedrasymen birlese otyryp ótkizgen is-shara Qazaqstan Respýblıkasy Táýelsizdiginiń 25 jyldyǵyna, Túrkııa men Qazaqstan arasyndaǵy halyqaralyq qatynastarǵa, Ulttyq kitaphanadaǵy Túrkııa kitap buryshynyń 10 jyldyǵyna arnaldy.
Jıynǵa Almaty qalasyndaǵy Túrkııanyń Bas konsýly Ryza Kylǵan Iylmaz, Túrki halyqtary mádenıeti qorynyń prezıdenti Ahmet Daǵduran, S.Demırel atyndaǵy ýnıversıtet rektorynyń keńesshisi, ǵalym Dandaı Ysqaquly, ál-Farabı atyndaǵy QazUÝ-dyń shyǵystaný fakýltetiniń dekany, professor Baıan Jubatova, osy fakýltettiń Túrksoı kafedrasynyń meńgerýshisi, fılologııa ǵylymdarynyń kandıdaty Tóráli Qydyr, A.Baıtursynuly atyndaǵy Til bilimi ınstıtýtynyń dırektory, shyǵystanýshy Erden Qajybek, jazýshylar Qýandyq Túmenbaı, Áshırı Ahmetjan, Eýrazııa ǵylymı-zertteý ınstıtýtynyń dırektory, doktor Nevzat Shımshek, Ystanbuldaǵy Edıtepe ýnıversıtetiniń professory Arıf Adjoloǵly jáne birqatar ǵalymdar men jazýshylar arnaıy kelip, sóz sóıledi.
Túrksoı kafedrasynyń meńgerýshisi Tóráli Qydyr túrik baýyrlardyń ádebıeti men mádenıetin, tarıhy men ónerin keńirek nasıhattap, dáripteý maqsatynda osy aptany «Túrik tili aptalyǵy» dep jarııalaǵandaryn aıta kele, «Túrkııa mádenıeti men ádebıeti» kitap kórmesine Ulttyq kitaphananyń qorynan qazaqstandyq jáne túrkııalyq tanymal jazýshylardyń shyǵarmalary jáne Álem ádebıeti zalyndaǵy Túrkııa kitap buryshynan qazaq, orys jáne aǵylshyn tilderindegi ádebıetter usynylǵanyn jetkizdi.
«Túrkııa, túrik álemi degende eń aldymen aýzymyzǵa túsetini poezııa ǵoı. Shyǵysty óleń-jyrsyz kózge elestete almaıtynymyz ras. Aptalyq aıasynda áli de birqatar is-sharalar atqarylatyn bolady. Qazaq jáne túrik mádenıetiniń arasyndaǵy baılanystyń tamyry tarıhtyń tereń qoınaýynan bastaý alady. Sol baılanysty eń bastysy, el men eldiń, jer men jerdiń arasyn baılanystyratyn bolashaq urpaq umytpaýy tıis. Biz jastarǵa bar bilgenimizdi úıretip, qandas elderge ortaq mol mádenıetti, ádebı murany, baýyrmaldyq qarym-qatynasty úlgi etip qaldyrýǵa tıispiz», dedi alǵashqylardyń biri bolyp sóz alǵan Baıan Jubatova.
Almaty qalasynyń mádenı ortalyqtarynyń ókilderi, Táýelsizdiktiń 25 jyldyǵyna oraı shyǵarmalary túrik tilinde jaryq kórgen jazýshylar men aqyndar, Almaty qalasynyń joǵary oqý oryndarynyń stýdentteri, respýblıkalyq gvardııa kýrsanttary, oqyrmandar men kitaphanashylar qatysqan shyraıly keshte stýdentter orta ǵasyrdaǵy túrik poezııasy men búgingi túrik jáne qazaq aqyndarynyń óleńderin eki tilde qatar oqydy, ádebı-mýzykalyq kompozısııa, kitap kórmesi, beınematerıaldar usynyldy.
Mıra BAIBEK, «Egemen Qazaqstan»
ALMATY
