Shybyn-shirkeıdiń jaz týa bas kótertpeı qaptap ketýin elimizdiń Ekonomıka mınıstrliginiń Tutynýshylardyń quqyqtaryn qorǵaý komıteti «Ulttyq saraptama ortalyǵy» mamandary kelip zerttemek. Al jándikterdi ýlaý jumystarymen «Bıofarm» JShS aınalysady.
– Sondyqtan, qarajat ótken jylǵymen salystyrǵanda 4 ese ósti. Bul ýlaý sharalary jáne ǵylymı izdenisterge de bólinedi. Qajetti dárilik preparattar men qyzmetterdi satyp alý jónindegi konkýrs ótken jyldyń jeltoqsan aıynda jarııalanǵan-dy. Konkýrs jeńimpazy jumysty jyldaǵydaı shirkeı qaptaǵan kezde emes, 1 sáýirden bastaıdy. Atalǵan jumystardy Ertis ózeniniń aǵysy boıynsha Shyǵys Qazaqstan oblysynan bastap, Reseı shekarasyna deıin júrgizemiz, – deıdi oblystyq máslıhat hatshysy Vladımır Berkovskıı.
Arnaıy qurylǵan komıssııa músheleri men oblystyq máslıhat depýtattary endi aýyldarǵa baryp, shybyn-shirkeıdiń jaıyn ózderi zerttep bilmek. Oblystaǵy Aqtoǵaı, Jelezın, Ertis, Qashyr, Lebıaji, Maı jáne Pavlodar aýdandarynda júrgiziletin jumystar ǵylymı toptyń usynysy boıynsha sáýir aıynda bastalmaq.
Farıda BYQAI, «Egemen Qazaqstan»
PAVLODAR
