2018 jyldyń kúzinen bastap kásiporyndaǵy bir robottyń ózi táýligine segiz ǵımaratqa (vılla men taýnhaýstar) deıin salmaq. О́ndiris 40 myń sharshy metrlik aımaqta qolǵa alynbaq.
Kásiporyn basshysy Feısal Kottıkollonnyń aıtýynsha, úı qurylysynda robototehnıkanyń paıdalanýy úlken revolıýsııa. Kásiporyn óziniń robottaryn jasaýda kóptegen tehnologııany Tesla kompanııasynyń úlgisinde jasaǵan.
"Biz tórtinshi ónerkásiptik tóńkeriske aıaq bastyq. Aldaǵy ýaqytta qurylysshy robottardyń jumys isteýi qalypty nársege aınalmaq. Jańa tásil jumys kúshin únemdep, qorshaǵan ortanyń lastanýyna tosqaýyl bolady", - deıdi kásipker.
Robottar dap-daıyn úı salyp beredi. Syrtqy qurylystan bastap ishki árleý jumystaryna deıin barlyǵyn robottar avtomatty túrde jasaıdy. Aldaǵy ýaqytta osyndaı tásilmen aýrýhana, qonaqúı men áleýmettik nysandar salynatyn bolady.
Aldyn ala jospar boıynsha, osy tehnologııa 2020 jyly ótetin EKSPO kórmesi kezinde týrısterdi úımen qamtý úshin paıdalanylmaq.
