Shotlandııa parlamenti táýelsizdik týraly qaıta referendým ótkizý týraly usynysty qabyldady, dep habarlaıdy BBC.
Depýtattar 2018 jyldyń kúzi men 2019 jyldyń kóktemi arasynda máseleni qaıta daýysqa salýǵa kelisti.
Jańa referendým ótkizýdi qoldap óńirlik parlamenttiń 69 depýtaty daýys berse, 59-y qarsy shyqty.
Aıta keteıik, Shotlandııa Brıtanııanyń EO-dan shyǵýyna qarsylyq bildirýde.
Brıtanııada EO-dan shyǵý týraly referendým kezinde Shotlandııanyń 62 paıyzy Breksıtke qarsy bolǵan edi.
Sterdjen Brıtanııadan táýelsizdik alatyny týraly suraý jiberýi úshin aldymen jergilikti parlamenttiń maquldaýyn alýy tıis.
О́z kezeginde Brıtanııa úkimeti Shotlandııanyń Breksıtpen qabattasyp óz táýelsizdikterine umtylýyn múlde qoldamaıtynyn jáne oǵan barlyq joldy jaýyp tastaıtynyn málimdegen edi.
2014 jyldyń qyrkúıeginde mundaı referendým Shotlandııada ótken. Ol kezde táýelsizdik alýǵa umtylýshylar jeńilip qalǵan. Daýys bergenderdiń 55,3 paıyzy táýelsizdikke qarsylyq tanytqan edi.
