Avtorlyq jumystar áralýandylyǵymen jáne ádemiligimen kelýshilerdi tánti etti. Ár sheberdiń ózindik stıli, ózindik oryndaý tehnıkasy bar. Unaǵan áshekeılerdi satyp alýǵa da múmkindik týdy.
«Bıyl zergerlik ónerdiń dástúrli ashyq baıqaýy Qaraǵandy oblysynyń ákimdigi janyndaǵy «Qoǵamdyq kelisimniń» qoldaýymen jańa alańda – Dostyq úıinde uıymdastyrylyp otyr. Elimizdiń túkpir-túkpirinen kelgen sheberler baıqaýda 20-ǵa jýyq avtorlyq buıym usyndy. Jastar kóp. Jańa esimder jarııa bolady dep oılaımyn», – dedi «Sheber» sándik-qoldanbaly óner sheberlerin qoldaý ortalyǵy qoǵamdyq birlestiginiń tóraǵasy Natalıa Vshıvseva.
Qazylar alqasyna qaraǵandylyq zerger, «Zerger» baıqaýynyń laýreaty Sergeı Taskın jetekshilik etti.
Qazaqstan Qolónershiler odaǵynyń tóraǵasy, Dúnıejúzilik qolónershiler keńesiniń Ortalyq Azııa boıynsha vıse-prezıdenti Aıjan Bekqulovanyń pikirinshe, Qaraǵandyda zergerlik óner jaqsy damyǵan.
− Sórelerdi qarap shyǵyp, jaqsy sheberlerdiń kóp ekenin baıqadym. Olar qazaqtyń zergerlik óneri taqyryby men dástúrin tereń túsinedi. Serııaly jumystar da kezdesedi. Taǵy da bir mańyzdy jaıt, zergerlerdiń áshekeıler jasaýda ózindik máneri bar. Taqyrypty damytý, ekspozısııany shyǵarmashylyq turǵydan usyna bilý – bul mańyzdy ilgeri qadam, – deıdi qonaq. – Mundaı baıqaýlar odan ári damýǵa jáne jetilýge serpin beredi.
Mıras ASAN, «Egemen Qazaqstan»
QARAǴANDY
