QR Premer-Mınıstri Baqytjan Saǵyntaev Batys Qazaqstan oblysyna jumys sapary aıasynda «Atameken» Kásipkerler palatasynyń óńirlik keńesiniń ókilderimen kezdesý ótkizdi, onda bıznes sektoryn damytýdyń ózekti máseleleri talqylandy, dep habarlaıdy pm.kz.
Kezdesý barysynda qatysýshylar ónerkásiptik kásiporyndardy nesıelendirý, memlekettik-jekeshelik áriptestik jobalaryn damytý, memlekettik satyp alýlar júıesin jetildirý, ákimshilik kedergilerdi tómendetý jáne bızneske nesıe qarajattarynyń qoljetimdiligin arttyrý máselelerin kóterdi, sonymen qatar Bıznestiń jol kartasynyń iske asyrylý barysyn qarady.
Budan ózge, qatysýshylar kásipkerler, memlekettik organdar jáne kvazımemlekettik sektor arasyndaǵy ózara is-qımyl máselelerin talqylady.
Keńes barysynda BQO Kásipkerler palatasynyń óńirlik keńesiniń tóraǵasy, «Kondensat» KT konsorsıým keńesiniń tóraǵasy V. Djýnýsov, BQO Kásipkerler palatasynyń dırektory N. Qaıyrshın, «Shaǵyn bıznes ortalyǵy» Qaýymdastyǵy» ZTB dırektory Sh. Mahmudova, «Kvant» JShS dırektory D. Pshenıchnyı, «Alageum Electric» AQ qadaǵalaý keńesiniń tóraǵasy S. Qojabaev, «QazArmaО́nerkásip» JShS dırektory S. Kachalo sóz sóıledi.
Kezdesý qorytyndysy boıynsha B. Saǵyntaev QR Prezıdenti N. Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýyna sáıkes, Úkimet jumysy elimizdiń ekonomıkalyq ósiminiń qozǵaýshy kúshine aınalýǵa tıisti bıznes ustanymdaryn nyǵaıtýǵa negizdelgenin atap ótti. Osy oraıda Qazaqstanda shyǵyndardy qysqartý, qaıta retteý, sonymen qatar kásipkerlerge qarjylyq ári zańnamalyq qoldaý kórsetý boıynsha sharalar kesheni iske asyrylýda.
Sonymen qosa, memlekettik satyp alýlar júıesin jetildirý men ondaǵy qazaqstandyq qamtý úlesin ulǵaıtýǵa baılanysty júıeli jumystar júrgizilýde. Premer-Mınıstr qazirgi tańda otandyq jıhaz jáne jeńil ónerkásip óndirýshilerinen ónimdi satyp alý jumystary retke keltirilgenin aıtyp ótti.
Qorytyndylaı kele, B. Saǵyntaev qatysýshylardyń nazaryn memlekettik-jekeshelik áriptestikti, ásirese, áleýmettik salada damytýdyń mańyzdylyǵyna aýdardy, sonymen qatar, mańyzdysy, agroónerkásip kesheni salasynda otandyq taýarlarǵa jańa naryqtardy ıgerý men eksporttyq óndiristi damytýdyń qajettigi týraly aıtty.
Sonymen qatar, Baqytjan Saǵyntaev BQO-da memlekettik-jekeshelik áriptestiktiń damýyn baǵalap, aımaqtaǵy birneshe iri kásiporynnyń jumysymen tanysty.
Sapar barysynda Úkimet basshysy "Nurly jol" baǵdarlamasy boıynsha salynyp jatqan nysandardy da baǵalady.
