Aǵymdaǵy jyly badana, jerjańǵaq jáne noqat sekildi burshaq daqyldaryn 6 gektardan 50 gektarǵa deıin egýdi arttyrý josparlanýda, dep habarlady «Aqtóbe aqparat» aqparat ortalyǵy.
Jalpy, aýdan ákiminiń sózine qaraǵanda 2017 jyly aýyl sharýashylyq daqyldarynyń egis alańdary 4361 gektarǵa deıin artyp, 28,6 myń gektardy quraıtyn bolady. Sonymen qatar, 2016 jyly 85,8 myń gektardan astam ıgerilmegen aýyl sharýashylyq jerleri memlekettik qorǵa qaıtaryldy. Jańa sharýa qojalyqtaryna 166 myń gektarǵa jýyq jer berildi.
«Aýdanda aýyl sharýashylyq salasyn memlekettik qoldaý sharalary belsendi júrgizilýde. 2016 jyldyń qorytyndysy boıynsha «Sybaǵa» baǵdarlamasy 208%, «Altyn asyq» 116% jáne «Qulan» baǵdarlamasy 100% oryndaldy. Sharý qojalyqtaryn iri qara maldyń tuqymdyq basymen qamtamasyz etý maqsatynda 1000 basqa reprodýktor jasaý jumystary júrgizilýde. Búginde biz aýyl sharýashylyǵynyń dástúrli emes túrin damytýǵa basa nazar aýdaryp kelemiz. Soǵaly selolyq okrýginde aýdan boıynsha alǵashqy ara ósirý sharýashylyǵy ashyldy. Eshki, qoıan, qaz, úırek baǵýmen aınalysatyn aýyl sharýashlyq óndirýshiler sany artýda. Al, Bulaq selolyq okrýginde 2016 jyldan bastap oblystaǵy jalǵyz túıequs fermasy jumys jasaıdy»,-dep habarlady Meırambek Shermaǵanbet.
Aýdan ákimi sonymen birge, aýylsharýashylyq kooperatıvterin damytýǵa da jan-jaqty toqtaldy. Onyń aıtýynsha, 2016 jyldan bastap osy ýaqytqa deıin aýdanda 13 óndiristik kooperatıvteri ashyldy. 2017 jyldyń sońyna deıin taǵy 7 áleýmettik-korporasııasy uıymdastyrylatyn bolady.
