Teorııa da, tájirıbe de mańyzdy

Konferensııa bastalmas buryn Akademııa rekto­ry, Qazaqstannyń eńbek si­ńirgen qaıratkeri Bıbigúl Núsipjanova is-sharanyń ma­ńyzyn túsindire kelip, sse­nografııa fakýltetiniń stý­dentteri uıymdastyrǵan kór­mege nazar aýdartty. Kó­r­­medegi talantty shá­ki­rt­terdiń sheberliginiń ǵa­na emes, shyǵarmashylyq er­kin qııal men izdenisi ná­tı­jesinde dúnıege kelgen dıp­lomdyq jumystyń san túr­li úlgilerin, negizinen, túr­l­i spektaklder úshin ázir­­­­lengen sahnalyq kostıý­md­er, dekorasııalyq, bý­ta­­­­forııalyq buıymdar qu­raı­dy.

M.Áýezov atyndaǵy qa­zaq akademııalyq drama teat­rynyń bas ssenografy E.Tuıaqov ssenografııa óne­riniń jańa baǵyttaryna, sý­ret­shiler qyzmetiniń qı­yn­dyǵyna toqtala turyp, Aka­demııanyń elimizdegi teatr­lardy kásibı mamandar­men qamtamasyz etýdegi eń­begi atap ótýge turarlyq eke­­­nin aıtty.

Sahna merekesine oraı Ispanııadan, Germanııadan, Reseıden, О́zbekstannan arnaıy shaqyrylǵan meımandar men qazaqstandyq óner zertteýshileri búgingi teatr mádenıeti men dam­ýyna baılanysty ózekti oı­la­ryn órbitti. Reseı Fe­de­ra­­sııasynyń eńbek si­ńir­gen ártisi, Sankt-Pe­ter­býrg Mem­lekettik kon­ser­va­­to­rııa­synyń professo­ry Nı­na Arsenteva «Bo­la­shaq opera ánshilerin tár­bıe­l­eýdegi vokaldyq jáne dra­malyq óner sınteziniń úde­risteri» degen máseleni Marııa teat­ry tájirıbesi ne­gizine súıenip, taldady. Al ulttyq sahna óneriniń je­tistigi men kemshiligin saý­­atty saralaı otyryp, ak­ter­ler men rejısserler qaý­y­myn synı kózqarasymen qamshylap júretin belgili teatr synshysy, «Teatr óneriniń tarı­hy men teorııasy» ka­fe­dra­synyń meńgerýshisi Sánııa Qabdıeva klassıka men zamanaýı rejıssýrany sheber ushtastyryp, janrlyq, pishindik jaǵynan óristetýdi qol­ǵa alǵan Qazaqstan teatr­larynyń damýynyń negizgi baǵyttaryna toqtaldy.

Ár el mamandarynyń ba­­syn qosatyn aýqymdy bas­­qosýlar tájirıbe bóli­sý­i­men tıimdi. О́zbekstan teatr­laryndaǵy Batys Eý­ropa klassıkasynyń sah­na­lyq ıgerilýi týraly sóz qoz­ǵaǵan professor Mýhab­bat Týlıahodjaevanyń oıyn osy elden kelgen árip­tesi Mar­fýa Hamıdova óner­ta­ný ǵylymynyń da­mý soq­paqtaryndaǵy jańa­shy­l­dyq sıpattar jaıly baıan­damasymen tolyqtyryp, jalǵady.

Konferensııa jumysy Keln ýnıversıtetiniń pro­fessory Irına Mıl­ler­diń, reseılik professor N.Arsentevanyń, óz­bek­stan­dyq ónertanýshy M.Tý­lıa­­hodjaevanyń sheberlik sa­ba­q­tarymen ushtasty.

Aıgúl AHANBAIQYZY,

«Egemen Qazaqstan»

ALMATY