Qazaqstan • 30 Naýryz, 2017

Búgin elimizdiń basym bóliginde turaqsyz aýa raıy saqtalady

182 ret

kórsetildi

1 mın

oqý úshin

Búgin atmosferalyq fronttardyń ótýine baılanysty elimizdiń ońtústik-batysynda aýa raıy jaýyn-shashynsyz. Keı jerlerde tuman, kóktaıǵaq, soltústik, soltústik-batysta burqasyn, ońtústikte naızaǵaı, ońtústik-batysta shańdy daýyl saqtalady. Bul týraly «Qazgıdromet» habarlady.

Egemen Qazaqstan

Búgin elimizdiń basym bóliginde turaqsyz aýa raıy saqtalady

Qostanaı, Soltústik Qazaqstan, Pavlodar, Qaraǵandy, Aqmola oblystarynda jel 15-20 m/s, ekpini 25 m/s, kúndiz keı jerlerde 30 m/s asa kúsheıedi, keı jerlerde jaıaý burqasyn, tuman, kóktaıǵaq bolady.

Jambyl oblysynyń keı jerlerinde jel 15-20 m/s, ekpini 23-28 m/s, kúndiz ońtústik-batysta 30 m/s asa kúsheıýi múmkin.

Ońtústik Qazaqstan, Shyǵys Qazaqstan oblystarynyń keı jerlerinde tuman bolyp, jel 15-20 m/s, tańerteń jáne kúndiz jeldiń ekpini 25 m/s kúsheıedi.

Aqtóbe oblysynyń keı jerlerinde jaıaý burqasyn kútiledi. Tuman, kóktaıǵaq, jel 15-20 m/s kúsheıedi.

Qyzylorda oblysynyń keı jerlerinde shańdy daýyl bolyp, jel 15-20 m/s kúsheıedi.

Batys Qazaqstan oblysynyń keı jerlerinde tuman túsip, kóktaıǵaq bolady. Túnde jel 15-20 m/s kúsheıedi.

Atyraý oblysynyń keı jerlerinde jel 15-22 m/s kúsheıedi, tuman bolady.

Mańǵystaý oblysynyń keı jerlerinde shańdy daýyl turady.