Túrkııalyq bıznesmenderdiń óńirimizge issaparynyń maqsaty aýyl sharýashylyǵyndaǵy jańa tehnologııalarǵa ınvestısııalar tartý, osy saladaǵy orta jáne shaǵyn bıznesti damytý bolyp tabylady, dep jazady OQO ákimdiginiń baspasóz qyzmeti.
О́ńirdiń áleýmettik-ekonomıkalyq ahýalymen tanysyp, áleýetin baǵamdaýǵa kelgen delegasııa músheleri Shymkenttegi arnaıy ekonomıkalyq aımaq pen ındýstrıaldy aımaqtyń jumysymen tanysyp, ondaǵy kásiporyndardy aralady. О́ńirdiń ekonomıkalyq áleýetimen tanysqan túrik kásipkerleri aımaqtaǵy atqarylyp jatqan jumystardy oń baǵalap, bolashaqta birlese jumys isteýge nıetti ekendikterin jetkizdi.
Eske salaıyq, 15 aqpanda ońtústikqazaqstandyq kásipkerler Túrkııaǵa jumys saparymen baryp, Antalııa provınsııasynyń kásipkerler qaýymdastyǵynyń ókilderimen kezdesý ótkizgen bolatyn. Onda Túrkııanyń 12 kompanııasymen bizdiń bıznesmender jıhaz jasaý, keń qoldanystaǵy qaptaý ónimderiniń óndirisi, keptirilgen jemister jáne azyq-túlikke arnalǵan qaptama óniminiń óndirisi, jylyjaıǵa arnalǵan jabdyqtardy óndirý jáne ornatý, polıpropılen ónimderin óndirý, tyńaıtqyshtar óndirisi, transformatorlar qurastyrý, shyny plastıkalyq ónimderdi óndirý, sándik gúl kóshetteriniń óndirisi aıasynda pikir almasyp, otyrysqa qatysýshylarǵa memlekettik qoldaý jáne OQO ekonomıka sektorynyń barlyq salalaryndaǵy ınvestısııalyq tartymdylyǵy týraly tolyq aqparat berilgen-di.
Nátıjesinde, túrkııalyq úsh kompanııamen - «Çitello» (keptirilgen jemister jáne azyq-túlikke arnalǵan qaptama óniminiń óndirisi), «SiMGETEK A.S.» (jylyjaıǵa arnalǵan jabdyqtardy óndirý jáne ornatý) jáne «CUBO» (qurǵaq qurylys qospalaryn jáne boıaý ónimderin óndirisi) kompanııalarymen Ońtústik Qazaqstan oblysynda birlesken jobalardy júzege asyrý týraly kelisimge qol jetkizildi.
Túrik kásipkerleriniń Ońtústikke sapary aıasynda 30 naýryz kúni jergilikti kásipkerlermen B2B kezdesýler ótkizý josparlanyp jatyr.
