Orynborlyq qazaq «Qaıratta» oınaıdy

S.Sársenovti ótken jyly Alma­tyda «Qaırat» pen Reseıdiń «Oren­býrg» komandalary jol­das­tyq kezdesý ótkizgende kórgenbiz. Sol kezde az-kem suh­bat­tasyp, pikirin de bilgen edik.

– Novotroısk qalasynyń týmasymyn. Fýtbolmen jeti ja­symnan aınalystym. Bala kezim­nen-aq osy sport túrin jaqsy kórdim. О́zge balalar sekildi men de ala dop oınaýdy aýladan bastadym. Keıinnen mektepte qyr-syryn úırendik. Sosyn sport mektebine bardym, – dep edi ol.

Fýtbolshy karerasyn 2013 jyly ózi týǵan qaladaǵy «Nosta» komandasynan bastaǵan. Al sońǵy úsh jylyn «Orenbýrg» klý­bynyń dýblinde ótkizipti. Bıylǵy jyly dýbldiń kapıtany boldy. Jasóspirimder lıgasynda bes match­ta úsh gol soqqan.

«Qaırat» klýbynyń baspasóz qyzmeti taratqan málimet boıynsha, Sársenov birinshi lıgada oınaıdy. Bıylǵy maýsymda «Qaırat Akademııa» birinshi lıgaǵa joldama alǵan edi. Chem­pıo­nat 15 sáýirde bastalady.

Aıta keterligi, Samat Sár­senov – qujat boıynsha Reseı azamaty. Qazaqstan chempıonatynda ol legıo­ner bolyp sanalady. Tip­ti, bizdiń eldiń azamattyǵyn alsa da, ulttyq qurama nemese jas­­tar quramasy sa­pynda bir oıyn ótkizbese, legıoner bo­lyp qala beredi. Sebebi, ol «Qazaq­stan fýt­bolynyń túlegi» emes.

Bek TО́LEÝOV,

jýrnalıst

ASTANA