Tóreshiniń ysqyryǵy estilisimen alǵa umtylǵan shyǵysqazaqstandyqtar qarsy qaqpany birneshe ret nysanaǵa alyp úlgerdi. О́z kezeginde qonaqtar jınaqylyq tanytyp, adýyndy shabýyldar da uıymdastyrdy. «Torpedo» sapynan Aleksandr Shın, Talǵat Jaılaýov, Djordan Saýtorn, al «Rýbınnen» Maksım Zıýzıakın, Vıtalıı Zotov syndy hokkeıshilerdiń esep ashatyn múmkindikteri bolǵan, alaıda sáttilik jetispedi.
Qos komanda bir-biriniń qaqpasyn torýyldap júrgende negizgi ýaqyt ta aıaqtalyp qalǵan edi. Jeńimpaz ujym overtaım arqyly anyqtaldy. Bul synda túmendikterdiń joly bolyp, 66-mınýtta jeńis golyn soǵyp ketti. Jalǵyz shaıbanyń avtory – Igor Safaraleev.
«Torpedo» men «Rýbın» arasyndaǵy serııaly matchta reseılikter 1:0 esebimen alǵa shyqty.
– Bul – serııadaǵy alǵashqy oıyn. Tartysqa toly ótkenin kórdińizder. Bizdi alda qıyn matchtar kútip turǵany anyq. Jeńiske jetý úshin barymyzdy salamyz, – deıdi «Torpedo» hokkeı klýbynyń bas bapkeri Alekseı Jdahın.
Aıan ÁBDÝÁLI,
«Egemen Qazaqstan»
