Mobıldik qosymsha negizinde Ulttyq Banktiń jumysy týraly paıdaly aqparattyq resýrsty ázirleý ıdeıasy ǵana emes, retteýshige jáne qarapaıym qazaqstandyqtarǵa aqparat almasyp, suraqtar qoıyp, onlaın rejiminde túsiniktemeler alýǵa múmkindik beretin ınteraktıvti qural jatyr.
О́tken jyldyń qarashasynda iske qosylǵan qosymshany naýryzdyń basyndaǵy jaǵdaı boıynsha Play Market jáne App Store dúkenderinde úsh myńnan asa adam tegin júktep alǵan. Qosymsha paıdalanýshylardyń táýlik ishindegi suraqtaryna Ulttyq Banktiń quzyretti qyzmetkerlerinen «keri baılanys» alý múmkindigin beredi. Bul kóptegen saıttarda paıdalanýshylardyń suraqtaryna jaýaptar olardyń suratýlaryndaǵy negizgi sózderdi taldaıtyn arnaıy algorıtmderdiń negizinde robottar jaýap beretin avtomatty konsýltasııalardan áldeqaıda paıdaly. Qosymsha jumys istegen ýaqyt ishinde tirkelgen paıdalanýshylardan myńǵa jýyq suratý men ótinish kelip tústi. Tirkelgen paıdalanýshylardyń negizgi suraqtary qarjylyq qyzmetterdi tutynýshylardyń quqyqtaryn qorǵaý taqyrybyna, banknottar men monetalardy satyp alý, satý jáne aıyrbastaý, banktik qyzmet kórsetý, tólem kartochkalary jáne t.b. máselelerge qatysty.
Qosymshanyń ózektiligi birqatar faktorlarǵa baılanysty. Birinshiden, sońǵy ýaqytta halyqtyń qarjylyq saýattylyǵy aıtarlyqtaı ósti, kóptegen qazaqstandyqtar qarjylyq qyzmetterdiń belsendi paıdalanýshylary bolyp tabylady, valıýta naryǵyndaǵy jańalyqtardy muqııat qadaǵalaıdy, aıyrbastaý baǵamyn qalyptastyrýǵa áser etetin faktorlardy taldaıdy. Ekinshiden, Internet-tehnologııalardyń damýy jáne mobıldik qondyrǵylardyń keńinen taralýy smartfondaǵy nemese planshettegi mobıldik qosymshany paıdalanýshy úshin retteýshiniń qyzmeti men qarjylyq qyzmetterdi tutynýshylardyń quqyqtaryn qorǵaý máseleleri boıynsha Ulttyq Bankpen shuǵyl ózara is-qımyl jasaý úshin eń yńǵaıly qural etti. Sonymen birge «QUB Online» mobıldik qosymshasyn paıdalanýshylar Ulttyq Bank týraly aqparat pen jańalyqty alǵashqylardyń biri bolyp biledi.
«Tamasha qosymsha. Men ony qýana paıdalanyp júrmin. Basty tıimdiligi – únemi jańaryp otyratyn jańalyqtar jolaǵynan basqa, Ulttyq Banktiń mamandaryna naqty suraq qoıýǵa bolady. Eń bastysy – paıdalanylýy qarapaıym, júkte de, paıdalana ber. Bul «NBK Online» qosymshasynyń basqa blogtardan ereksheligi, basqalarynda qandaı da bir vedomstvoǵa ótinish jasaý úshin elektrondy sıfrly qoltańba, arnaıy soft jáne t.b. qajet bolady», dep jazypty qosymshany paıdalanýshylardyń biri ázirleýshilerge jazǵan túsiniktemesinde.
«QUB Online» qosymshasy mynadaı negizgi jeti aıdardan turady: «Banknottar men monetalar», «Ipotekalyq kredıtter», «Aıyrbastaý operasııalary», «Bankterde qyzmet kórsetý», «Tólemder», «Bankomattardyń jumysy», «О́zge».
«Banknottar men monetalar» bólimi paıdalanýshyǵa tozǵan banknottar men búlingen monetalardy aıyrbastaý týraly, ınvestısııalyq jáne kolleksııalyq monetalardy satý týraly aqparatty bilip otyrýǵa, baǵaly metaldardan jasalǵan monetalardy saqtaý jóninde usynymdar alýǵa múmkindik beredi.
«Ipotekalyq kredıtter» bóliminde ıpotekalyq kredıtteý, qaryzdardy qaıta qarjylandyrý boıynsha, tólem jasaýǵa qabiletsiz qaryz alýshylarmen júrgiziletin jumys jáne t.b. boıynsha mazalaıtyn suraqtardy qoıa alady.
«Aıyrbastaý operasııalary» jáne «Bankomattar» aıdarlary aıyrbastaý pýnktterimen jáne bankomattarmen baılanysty máseleler boıynsha jaýap alý múmkindigin kózdeıdi. Osy jerde qarjylyq qyzmetterdi paıdalanýshylar ózderiniń pikirinshe aıyrbastaý pýnktteri jol berip otyrǵan buzýshylyqtarǵa shaǵymdanyp, jumys istemeıtin bankomattar jáne taǵy da basqalary týraly habarlaı alady.
О́z kezeginde «Tólemder» bóliminde bank shotynan tólemder men aqsha aýdarymdaryn bank shotyn ashpaı, tólem kartochkasyn paıdalana otyryp, sondaı-aq, halyqaralyq aqsha aýdarý júıeleri arqyly júrgizý talaptary men tártibine qatysty aqparatty alýǵa bolady.
«QUB Online» mobıldik qosymshasynyń kómegimen alynatyn Ulttyq Bank mamandarynyń konsýltasııalary aqparattyq-túsindirý sıpatynda ekendigin este saqtaý qajet. Eger paıdalanýshyǵa retteýshiniń resmı jaýaby qajet bolsa, mundaı jaǵdaıda «Jeke jáne zańdy tulǵalardyń ótinishterin qaraý tártibi týraly» Qazaqstan Respýblıkasynyń Zańynda kózdelgendeı Ulttyq Bankke ótinish jasaýǵa keńes beriledi. Sonymen qatar árbir azamat ózin qyzyqtyratyn máseleler boıynsha resmı jaýap alý úshin azamattardy qabyldaý kestesine sáıkes QRUB basshylyǵynyń jeke qabyldaýyna jazyla alady.
«NBK Online» qosymshasynyń paıdasy men artyqshylyǵyn aıtqanda munyń «ekijaqty qozǵalystaǵy» baılanys arnasy ekendigin túsiný mańyzdy. Eger paıdalanýshylar onyń kómegimen mamandardyń keńesi men qarjy naryqtary týraly sońǵy jańalyqtardy alatyn bolsa, Ulttyq Bank qyzmetkerleri bul quraldy paıdalanýshylardyń kóńil-kúı jáne múdde ındıkatoryn aıqyndaý úshin paıdalanady, al onyń negizinde azamattardyń ótinishterine taldaý jasaý jatyr. Bul – jumysymyzda paıdalanylatyn baǵa jetpes aqparat», dep atap ótti QRUB Qarjylyq qyzmetterdi tutynýshylardyń quqyǵyn qorǵaý jáne syrtqy kommýnıkasııalar basqarmasynyń bastyǵy Aleksandr Terentev.
