2017 jylǵy 18 aqpan №79 Astana, Úkimet Úıi
«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasynyń Zańy 10-babynyń 4-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Ishki ister mınıstrliginiń Almaty akademııasy» respýblıkalyq memlekettik mekemesine Maqan Esbolatovtyń esimi berilsin.
2. Qazaqstan Respýblıkasy Úkimetiniń keıbir sheshimderine mynadaı ózgerister engizilsin:
1) «Qazaqstan Respýblıkasy Ishki ister mınıstrliginiń máseleleri» týraly Qazaqstan Respýblıkasy Úkimetiniń 2005 jylǵy 22 maýsymdaǵy №607 qaýlysynda (Qazaqstan Respýblıkasynyń PÚAJ-y, 2005 j., № 25, 311-qujat):
kórsetilgen qaýlymen bekitilgen Qazaqstan Respýblıkasy Ishki ister mınıstrligi týraly erejede:
Qazaqstan Respýblıkasy Ishki ister mınıstrliginiń qaramaǵyndaǵy memlekettik mekemeler men onyń vedomstvolarynyń tizbesinde:
«1. Qazaqstan Respýblıkasy Ishki ister mınıstrligi» degen bólimde:
rettik nómiri 10-jol mynadaı redaksııada jazylsyn:
«10. Qazaqstan Respýblıkasy Ishki ister mınıstrliginiń Maqan Esbolatov atyndaǵy Almaty akademııasy.»;
2) «Mınıstrlikter men ózge de ortalyq atqarýshy organdardyń olardyń aýmaqtyq organdaryndaǵy jáne olarǵa vedomstvolyq baǵynystaǵy memlekettik mekemelerdegi adam sanyn eskere otyryp, shtat sanynyń lımıtterin bekitý týraly» Qazaqstan Respýblıkasy Úkimetiniń 2008 jylǵy 15 sáýirdegi № 339 qaýlysynda:
kórsetilgen qaýlymen bekitilgen mınıstrlikter men ózge de ortalyq atqarýshy organdardyń olardyń aýmaqtyq organdaryndaǵy jáne olarǵa vedomstvolyq baǵynystaǵy memlekettik mekemelerindegi adam sanyn eskere otyryp, shtat sanynyń lımıtterinde:
1-bólimde:
21) tarmaqsha mynadaı redaksııada jazylsyn:
«
21) IIM M.Esbolatov atyndaǵy Almaty akademııasy 597***
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń qaýlysy
2017 jylǵy 18 aqpan №80 Astana, Úkimet Úıi
«Qazaqstan Respýblıkasynyń arnaýly memlekettik organdarynyń jekelegen sanattaǵy qyzmetkerlerin azyq-túlikpen qamtamasyz etý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 7 jeltoqsandaǵy №1564 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń arnaýly memlekettik organdarynyń jekelegen sanattaǵy qyzmetkerlerin azyq-túlikpen qamtamasyz etý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 7 jeltoqsandaǵy №1564 qaýlysyna mynadaı ózgeris engizilsin:
kórsetilgen qaýlymen bekitilgen Qazaqstan Respýblıkasynyń arnaýly memlekettik organdarynyń jekelegen sanattaǵy qyzmetkerlerin azyq-túlikpen qamtamasyz etý qaǵıdalarynda:
2-tarmaqtyń 2) tarmaqshasy mynadaı redaksııada jazylsyn:
«2) arnaýly (áskerı) oqý mekemeleriniń kazarmalyq jaǵdaıdaǵy kýrsanttary, tyńdaýshylary;».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń qaýlysy
2017 jylǵy 3 naýryz №102 Astana, Úkimet Úıi
«Múgedekterge beriletin tehnıkalyq kómekshi (ornyn toltyrýshy) quraldar men arnaýly júrip-turý quraldarynyń tizbesin bekitý týraly» Qazaqstan Respýblıkasy Úkimetiniń 2005 jylǵy 20 shildedegi № 754 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Múgedekterge beriletin tehnıkalyq kómekshi (ornyn toltyrýshy) quraldar men arnaýly júrip-turý quraldarynyń tizbesin bekitý týraly» Qazaqstan Respýblıkasy Úkimetiniń 2005 jylǵy 20 shildedegi №754 qaýlysyna (Qazaqstan Respýblıkasynyń PÚAJ-y, 2005 j., № 30, 392-qujat) mynadaı ózgeris engizilsin:
kórsetilgen qaýlymen bekitilgen múgedekterge beriletin tehnıkalyq kómekshi (ornyn toltyrýshy) quraldar men arnaýly júrip-turý quraldarynyń tizbesi (budan ári – tizbe) osy qaýlyǵa qosymshaǵa sáıkes jańa redaksııada jazylsyn.
2. Osy qaýly 2018 jylǵy 1 qańtardan bastap qoldanysqa engiziletin tizbeniń 3-tarmaǵynyń 13), 14) jáne 15) tarmaqshalaryn qospaǵanda, alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2017 jylǵy 3 naýryzdaǵy
№102 qaýlysyna qosymsha
Qazaqstan Respýblıkasy Úkimetiniń 2005 jylǵy 20 shildedegi
№754 qaýlysymen bekitilgen
Múgedekterge beriletin tehnıkalyq kómekshi (ornyn toltyrýshy)
quraldar men arnaýly júrip-turý quraldarynyń tizbesi
1. Protezdik-ortopedııalyq quraldar:
1) qol protezderi (ıyq protezderi, bilek protezderi, qol-saýsaq protezderi);
2) jilinshik protezderi;
3) jambas protezderi;
4) keýde bezderiniń protezderi;
5) apparattar, týtorlar;
6) baldaqtar, taıaqtar, jetek arbalar;
7) korsetter, reklınatorlar, basustaǵyshtar;
8) bandajdar, emdik belbeýler, balalardyń profılaktıkalyq shalbarshalary;
9) ortopedııalyq aıaqkıim jáne qosymsha qurylǵylar (kebister, sýpınatorlar);
10) apparattarǵa arnalǵan aıaqkıim;
11) jeıde kııýge arnalǵan qurylǵy;
12) kolgotkı kııýge arnalǵan qurylǵy;
13) shulyq kııýge arnalǵan qurylǵy;
14) túıme taǵýǵa arnalǵan qurylǵy (ilmek);
15) belsendi ustaǵysh;
16) ydys-aıaqty ustaýǵa arnalǵan ustaǵysh;
17) qaqpaqtardy ashýǵa arnalǵan ustaǵysh;
18) kiltke arnalǵan ustaǵysh.
2. Sýrdotehnıkalyq quraldar:
1) estý apparattary;
2) veb-kamerasy bar noýtbýk;
3) kóp fýnksıonaldy dabyldy júıeler;
4) mátindik habarlamasy jáne habardy qabyldaý qyzmeti bar uıaly telefondar;
5) sańyraý jáne nashar estıtin adamdarǵa arnalǵan saǵattar;
6) kohlearlyq ımplanttarǵa sóıleý prosessorlary;
7) daýys shyǵaratyn apparat.
3. Tıflotehnıkalyq quraldar:
1) tıflotaıaqtar;
2) oqý mashınalary;
3) sóıleý sıntezi bar ekrandyq qol jetkizý baǵdarlamasymen qamtamasyz etilgen noýtbýk;
4) Braıl júıesi boıynsha jazý quraly;
5) Braıl júıesi boıynsha jazý grıfeli;
6) relefti-noqatty qarippen jazýǵa arnalǵan qaǵaz;
7) dybyspen habar beretin jáne dıktofony bar uıaly telefondar;
8) dybys jazbasyn shyǵarýǵa arnalǵan pleıerler;
9) nashar kóretin adamdarǵa arnalǵan saǵattar;
10) sóz shyǵaratyn termometr;
11) sóz shyǵaratyn tonometr;
12) test jolaqshalary bar sóz shyǵaratyn glıýkometr;
13) braıl qarpin óz betimen úırenýge bolatyn sóıleıtin qural;
14) Braıl boıynsha almaly-salmaly álippe;
15) kórý qabileti buzylǵan múgedekterge arnalǵan ıne sabaqtaǵyshtar, tigin ıneleri.
4. Arnaýly júrip-turý quraldary:
1) bólmede júrip-turýǵa arnalǵan kreslo-arbalar;
2) serýendeýge arnalǵan kreslo-arbalar.
5. Mindetti gıgıenalyq quraldar:
1) nesep qabyldaǵyshtar;
2) nájis qabyldaǵyshtar;
3) jórgekter;
4) sińirgish jaımalar (jaıalyqtar);
5) kateter;
6) stomanyń aınalasyndaǵy terini qorǵaý jáne tegisteýge arnalǵan pasta-germetık;
7) qorǵanysh krem;
8) sińirgish untaq (opa);
9) ıisti beıtaraptandyrǵysh;
10) terini tazartqysh;
11) sanıtarlyq qurylǵysy bar kreslo-oryndyq;
12) dárethana bólmesine arnalǵan qaıyrmaly tireýish tutqalar;
13) jýynatyn bólmege arnalǵan tutqalar.
Qazaqstan Respýblıkasy Úkimetiniń qaýlysy
2017 jylǵy 6 naýryz №109 Astana, Úkimet Úıi
Qostanaı oblysynyń bilim berý, mádenıet jáne sport uıymdaryna ataý berý men qaıta ataý týraly
«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasynyń Zańy 10-babynyń 4-1) tarmaqshasyna, «Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna sáıkes Qazaqstan Respýblıkasynyń Úkimeti qaýly etedi:
1. Qostanaı oblysynyń mynadaı bilim berý jáne sport uıymdaryna:
1) «Qarabalyq aýdany ákimdigi bilim bóliminiń balalar óner mektebi» memlekettik mekemesine – Seraly Qojamqulovtyń esimi;
2) Qostanaı oblysy ákimdigi Dene shynyqtyrý jáne sport basqarmasynyń «Amangeldi aýdandyq balalar-jasóspirimder sport mektebi» memlekettik mekemesine – Eralhan Seıkenovtiń esimi berilsin.
2. Mynadaı bilim berý jáne mádenıet uıymdary:
1) Qostanaı aýdany ákimdigi bilim bóliminiń «Krasnyı Oktıabr orta mektebi» memlekettik mekemesi – «Qostanaı aýdany ákimdigi bilim bóliminiń «Qadir Kárimov atyndaǵy orta mektep» memlekettik mekemesi;
2) «Sarykól aýdany ákimdigi bilim bóliminiń Sarykól orta mektebi» memlekettik mekemesi – «Sarykól aýdany ákimdigi bilim bóliminiń «О́mirzaq Sultanǵazın atyndaǵy orta mektep» memlekettik mekemesi;
3) «Qarabalyq aýdany ákimdigi bilim bóliminiń №3 Qarabalyq orta mektebi» memlekettik mekemesi – «Qarabalyq aýdany ákimdigi bilim bóliminiń «Muhamedjan Seralın atyndaǵy orta mektep» memlekettik mekemesi;
4) «Taran aýdandyq «Ushqyn» mádenıet úıi» memlekettik mekemesi – «Elýbaı О́mirzaqov atyndaǵy Taran aýdandyq mádenıet úıi» memlekettik mekemesi bolyp qaıta atalsyn.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń qaýlysy
2017 jylǵy 13 naýryz №116 Astana, Úkimet Úıi
Qazaqstan Respýblıkasy Úkimetiniń keıbir sheshimderiniń
kúshi joıyldy dep taný týraly
Qazaqstan Respýblıkasynyń Úkimeti qaýly etedi:
1. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2017 jylǵy 13 naýryzdaǵy
№116 qaýlysyna qosymsha
Qazaqstan Respýblıkasy Úkimetiniń kúshi joıylǵan
keıbir sheshimderiniń tizbesi
1. «Kemeniń nemese jasalyp jatqan kemeniń ıpotekasyn memlekettik tirkeý týraly aqparat berý erejesin bekitý týraly» Qazaqstan Respýblıkasy Úkimetiniń 2003 jylǵy 17 sáýirdegi №368 qaýlysy (Qazaqstan Respýblıkasynyń PÚAJ-y, 2003 j., № 17, 175-qujat).
2. «Kemelerdi losmandyq alyp ótýdi júzege asyrý erejesin bekitý týraly» Qazaqstan Respýblıkasy Úkimetiniń 2003 jylǵy 12 qyrkúıektegi № 923 qaýlysy (Qazaqstan Respýblıkasynyń PÚAJ-y, 2003 j., № 37, 375-qujat).
3. «Qazaqstan Respýblıkasy Úkimetiniń 2003 jylǵy 17 sáýirdegi №368 qaýlysyna ózgerister engizý týraly» Qazaqstan Respýblıkasy Úkimetiniń 2005 jylǵy 23 qazandaǵy № 1068 qaýlysy (Qazaqstan Respýblıkasynyń PÚAJ-y, 2005 j., № 38, 543-qujat).
4. «Kemeniń nemese jasalyp jatqan kemeniń ıpotekasyn tirkeý týraly aqparat berý erejesin bekitý týraly» Qazaqstan Respýblıkasy Úkimetiniń 2003 jylǵy 17 sáýirdegi № 368 qaýlysyna ózgerister engizý týraly» Qazaqstan Respýblıkasy Úkimetiniń 2011 jylǵy 22 shildedegi № 846 qaýlysy (Qazaqstan Respýblıkasynyń PÚAJ-y, 2011 j., № 49, 661-qujat).
Qazaqstan Respýblıkasy Úkimetiniń qaýlysy
2017 jylǵy 24 naýryz №128 Astana, Úkimet Úıi
«Fıltrli sıgaretterge eń tómen bólshek baǵa belgileý týraly» Qazaqstan Respýblıkasy Úkimetiniń 2007 jylǵy 4 sáýirdegi № 260 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Fıltrli sıgaretterge eń tómen bólshek baǵa belgileý týraly» Qazaqstan Respýblıkasy Úkimetiniń 2007 jylǵy 4 sáýirdegi № 260 qaýlysyna (Qazaqstan Respýblıkasynyń PÚAJ-y, 2007 j., № 10, 116-qujat) mynadaı ózgerister engizilsin:
taqyryby mynadaı redaksııada jazylsyn:
«Fıltrli, fıltrsiz sıgaretterge jáne papırostarǵa eń tómen bólshek saýda baǵalaryn belgileý týraly»;
1-tarmaq mynadaı redaksııada jazylsyn:
«1. Fıltrli, fıltrsiz 20 (jıyrma) sıgaretke jáne papırostarǵa úsh júz teńge mólsherinde eń tómengi bólshek saýda baǵalary belgilensin.».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń qaýlysy
2017 jylǵy 24 naýryz №129 Astana, Úkimet Úıi
Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalaryn
bekitý týraly
«2017 – 2019 jyldarǵa arnalǵan respýblıkalyq bıýdjet týraly» 2016 jylǵy 29 qarashadaǵy Qazaqstan Respýblıkasy Zańynyń 11-babyn jáne «2017 – 2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2016 jylǵy 6 jeltoqsandaǵy № 775 qaýlysyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary bekitilsin.
2. Qazaqstan Respýblıkasynyń Densaýlyq saqtaý mınıstrligi zańnamada belgilengen tártippen aǵymdaǵy nysanaly transfertterdiń bekitilgen somalaryn oblystyq bıýdjetterge, Astana jáne Almaty qalalarynyń bıýdjetterine aýdarýdy qamtamasyz etsin.
3. Oblystardyń, Astana jáne Almaty qalalarynyń ákimderi:
1) aǵymdaǵy nysanaly transfertterdiń bólingen somalaryn ýaqtyly jáne maqsatty paıdalanýdy;
2) Qazaqstan Respýblıkasynyń Densaýlyq saqtaý mınıstrligine esepti aıdan keıingi aıdyń 15-kúnine deıin aǵymdaǵy nysanaly transfertterdiń bólingen somalarynyń paıdalanylýy týraly esepter berýdi qamtamasyz etsin.
4. Osy qaýly 2017 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri B.SAǴYNTAEV
Qazaqstan Respýblıkasy Úkimetiniń 2017 jylǵy 24 naýryzdaǵy
№129 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary
1-taraý. Jalpy erejeler
1. Osy Oblystyq bıýdjetterdiń, Astana jáne Almaty qalalary bıýdjetteriniń 2017 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary (budan ári – Qaǵıdalar) «2017 – 2019 jyldarǵa arnalǵan respýblıkalyq bıýdjet týraly» 2016 jylǵy 29 qarashadaǵy Qazaqstan Respýblıkasy Zańynyń 11-babyna jáne «2017 – 2019 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2016 jylǵy 6 jeltoqsandaǵy № 775 qaýlysyna sáıkes ázirlendi.
2. Osy Qaǵıdalarda paıdalanylatyn negizgi uǵymdar:
1) densaýlyq saqtaý salasyndaǵy ýákiletti organ (budan ári – ýákiletti organ) – azamattardyń densaýlyǵyn saqtaý, medısınalyq jáne farmasevtıkalyq ǵylym, medısınalyq jáne farmasevtıkalyq bilim berý, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq kórsetiletin qyzmetter sapasyn baqylaý salasyndaǵy basshylyqty júzege asyratyn memlekettik organ;
2) tegin medısınalyq kómektiń kepildik berilgen kólemin kórsetý jónindegi farmasevtıkalyq qyzmet – dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy sýbektilerdiń dárilik zattardy, medısınalyq maqsattaǵy buıymdardy satyp alýdy, tasymaldaýdy, saqtaýdy, ótkizýdi jáne esepke alýdy qosa alǵanda, olarmen halyqty qamtamasyz etýge baılanysty qyzmeti.
3. Osy Qaǵıdalar oblystyq bıýdjetterdiń, Astana jáne Almaty qalalary bıýdjetteriniń respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi mynadaı respýblıkalyq bıýdjettik baǵdarlamalar boıynsha paıdalaný tártibin aıqyndaıdy:
1) 052 «Biryńǵaı ulttyq densaýlyq saqtaý júıesiniń sheńberinde halyqty medısınalyq kómekpen qamtamasyz etý», onyń ishinde mynadaı kishi bıýdjettik baǵdarlamalar boıynsha:
109 «Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde tegin medısınalyq kómektiń kepildik berilgen kólemin kórsetýge beriletin aǵymdaǵy nysanaly transfertter»;
112 «Oblystyq bıýdjetterge, Astana jáne Almaty qalalarynyń bıýdjetterine salamatty ómir saltyn nasıhattaýǵa beriletin aǵymdaǵy nysanaly transfertter»;
2) 053 «Biryńǵaı ulttyq densaýlyq saqtaý júıesiniń sheńberinde qarjylandyrylatyn baǵyttardy qospaǵanda, halyqty medısınalyq kómekpen qamtamasyz etý jáne ınfraqurylymdy damytý», onyń ishinde mynadaı kishi bıýdjettik baǵdarlamalar boıynsha:
100 «Oblystyq bıýdjetterge, Astana jáne Almaty qalalarynyń bıýdjetterine tegin medısınalyq kómektiń kepildik berilgen kólemin qamtamasyz etýge jáne keńeıtýge beriletin aǵymdaǵy nysanaly transfertter»;
101 «Oblystyq bıýdjetterge, Astana jáne Almaty qalalarynyń bıýdjetterine ambýlatorııalyq deńgeıde dárilik zattardy, vaksınalardy jáne basqa da ımmýndyq-bıologııalyq preparattardy, sondaı-aq balalarǵa arnalǵan jáne emdik mamandandyrylǵan tamaq ónimderin satyp alýǵa beriletin aǵymdaǵy nysanaly transfertter»;
116 «Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde densaýlyq saqtaý uıymdaryn materıaldyq-tehnıkalyq jaraqtandyrýǵa beriletin aǵymdaǵy nysanaly transfertter».
2-taraý.
Jergilikti deńgeıde tegin medısınalyq kómektiń kepildik berilgen kólemin kórsetýge beriletin aǵymdaǵy nysanaly transfertterdi paıdalaný tártibi
4. Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde tegin medısınalyq kómektiń kepildik berilgen kólemin (budan ári – TMKKK) kórsetýge beriletin aǵymdaǵy nysanaly transfertter:
respýblıkalyq deńgeıde ótkiziletin qalpyna keltirý emin jáne medısınalyq ońaltýdy qospaǵanda, Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 aqpandaǵy № 98 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2015 jylǵy 10 sáýirde № 10678 bolyp tirkelgen) Qalpyna keltirý emi jáne medısınalyq ońaltý, onyń ishinde balalardy medısınalyq ońaltý qaǵıdalaryna sáıkes Aqmola, Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qyzylorda, Ońtústik Qazaqstan oblystarynda jáne Almaty qalasynda eresekter men balalardy qalpyna keltire emdeýge jáne medısınalyq ońaltýǵa (Qazaqstan Respýblıkasy Densaýlyq saqtaý jáne áleýmettik damý mınıstriniń mindetin atqarýshynyń 2015 jylǵy 28 shildedegi № 627 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2015 jylǵy 28 tamyzda № 11976 bolyp tirkelgen Densaýlyq saqtaý uıymdaryna shyǵyndardy bıýdjet qarajatynyń esebinen óteý qaǵıdalaryna (budan ári – Shyǵyndardy óteý qaǵıdalary) sáıkes shyǵyndaryn óteý respýblıkalyq bıýdjet qarajatynyń esebinen júzege asyrylatyn qalpyna keltirý emi men medısınalyq ońaltýdy qospaǵanda);
Aqmola, Aqtóbe, Shyǵys Qazaqstan, Jambyl, Batys Qazaqstan, Qaraǵandy oblystarynda jáne Almaty qalasynda Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 25 aqpandaǵy № 96 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2015 jylǵy 30 naýryzda № 10576 bolyp tirkelgen) halyqtyń pallıatıvtik kómek jáne meıirbıke kútimi kórsetilýi tıis sanattarynyń tizbesinde (budan ári – № 96 buıryq) kórsetilgen adamdarǵa meıirbıke kútimin kórsetýge;
Batys Qazaqstan, Qaraǵandy, Pavlodar, Ońtústik Qazaqstan oblystarynda jáne Almaty qalasynda № 96 buıryqta kórsetilgen adamdarǵa (shyǵyndaryn óteý respýblıkalyq bıýdjet qarajaty esebinen júzege asyrylatyn qaterli isikten zardap shegetin adamdardy qospaǵanda) pallıatıvtik kómek kórsetýge;
respýblıkalyq uıymdar kórsetetin medısınalyq-áleýmettik kómekti qospaǵanda, týberkýlezden, psıhıkasynyń buzylýynan (aýrýynan), alkogolızmnen, nashaqorlyqtan jáne ýytqumarlyqtan zardap shegetin adamdarǵa medısınalyq-áleýmettik kómek kórsetýge;
ınfeksııalyq aýrýlarmen naýqastanǵandarǵa jergilikti deńgeıde medısınalyq kómek kórsetýge;
respýblıkalyq uıym kórsetetin medısınalyq-áleýmettik kómekti qospaǵanda, AITV ınfeksııasyn juqtyrǵandarǵa jáne JITS-pen aýyratyn naýqastarǵa medısınalyq-áleýmettik kómek kórsetýge, sondaı-aq JITS-ke qarsy kúres jónindegi is-sharalardy ótkizýge;
Qazaqstan Respýblıkasynyń Densaýlyq saqtaý mınıstri mindetin atqarýshysynyń 2011 jylǵy 5 qańtardaǵy № 1 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2011 jylǵy 28 qańtarda № 6757 bolyp tirkelgen) Ýaqytsha beıimdeý jáne detoksıkasııa ortalyǵynyń qyzmeti týraly erejege sáıkes ishki ister organdary qyzmetkerleriniń nemese azamattardyń kómegimen jetkizilgen, alkogolden mas kúıindegi (ýyttanǵan) pasıentterge ýaqytsha beıimdeý jáne detoksıkasııa ortalyqtarynda narkologııalyq kómek kórsetýge;
halyqqa jedel medısınalyq kómek kórsetýge;
shyǵyndaryn óteý memlekettik tapsyrma sheńberinde júzege asyrylatyn respýblıkalyq uıymdar kórsetetin kómekti qospaǵanda, qan, onyń komponentterin daıyndaýǵa, medısınalyq uıymdardy TMKKK sheńberinde qanmen, onyń komponentterimen qamtamasyz etý úshin qan komponentterin, preparattaryn jáne dıagnostıkalyq reagentterdi óndirýge;
Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda patologııaly-anatomııalyq ashyp qaraý jáne patologııalyq-anatomııalyq dıagnostıka boıynsha shyǵystar kózdelgen: bıologııalyq materıaldardy alýǵa jáne ony zertteýge (shyǵyndaryn óteý respýblıkalyq bıýdjet qarajatynyń esebinen júzege asyrylatyn, tiri kezde júrgiziletin zertteýdi qospaǵanda); áleýmettik máni bar aýrýlar kezinde bıologııalyq materıal alýǵa jáne ony zertteýge paıdalanylady.
5. Oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary osy Qaǵıdalardyń 4-tarmaǵynda kórsetilgen is-sharalardy iske asyrý boıynsha medısınalyq qyzmetter berýshini tańdaý rásimin Qazaqstan Respýblıkasynyń Densaýlyq saqtaý jáne áleýmettik damý mınıstri mindetin atqarýshysynyń 2015 jylǵy 30 shildedegi № 638 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2015 jylǵy 15 tamyzda № 11960 bolyp tirkelgen) TMKKK kórsetý jónindegi qyzmetter berýshini tańdaý jáne onyń shyǵyndaryn óteý qaǵıdalaryna (budan ári – Qyzmetter berýshini tańdaý qaǵıdalary)sáıkes, sondaı-aq osy Qaǵıdalardyń 4-tarmaǵynda kórsetilgen is-sharalardy iske asyratyn memlekettik mekeme nysanyndaǵy medısınalyq uıymdarǵa qarajat bólýdi júzege asyrady.
6. Tarıfterdi qalyptastyrý Qazaqstan Respýblıkasy Densaýlyq saqtaý mınıstriniń 2009 jylǵy 26 qarashadaǵy № 801 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde 2009 jylǵy 30 qarashada № 5946 bolyp tirkelgen) TMKKK sheńberinde kórsetiletin medısınalyq qyzmetterge arnalǵan tarıfterdi qalyptastyrý men shyǵyndardy josparlaý ádistemesine (budan ári – tarıfterdi qalyptastyrý ádistemesi) sáıkes júzege asyrylady.
7. Osy Qaǵıdalardyń 4-tarmaǵynda kórsetilgen stasıonarlyq jáne stasıonardy almastyratyn kómek nysanynda medısınalyq jáne medısınalyq-áleýmettik kómek kórsetkeni úshin aqy tóleý Shyǵyndardy óteý qaǵıdalaryna sáıkes júzege asyrylady;
TMKKK sharttary jáne TMKKK sheńberinde qosalqy merdigerlik sharttar boıynsha konsýltasııalyq-dıagnostıkalyq qyzmetter kórsetýge, patologııalyq-anatomııalyq dıagnostıkaǵa aqy tóleý Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 16 qyrkúıektegi № 725 buıryǵymen (budan ári – № 725 buıryq) bekitilgen tarıfterge sáıkes quny boıynsha júzege asyrylady;
JITS-ke qarsy kúres jónindegi is-sharalardy ótkizgeni úshin, patologııalyq-anatomııalyq ashyp qaraýǵa aqy tóleý jergilikti bıýdjettik baǵdarlamalardyń ákimshisi belgilegen tarıfter boıynsha júzege asyrylady;
halyqqa jedel medısınalyq kómek kórsetkeni úshin, onyń ishinde kólik qyzmetterine aqy tóleý Shyǵyndardy óteý qaǵıdalaryna sáıkes júzege asyrylady;
berilgen qan kólemi jáne onyń komponentteri úshin aqy tóleý № 725 buıryqpen bekitilgen tarıfterge sáıkes quny boıynsha júzege asyrylady;
osy Qaǵıdalardyń 4-tarmaǵynda kórsetilgen is-sharalardy iske asyratyn memlekettik mekemeler jergilikti bıýdjettik baǵdarlamalardyń ákimshisi bekitken tólemder boıynsha qarjylandyrý josparlaryna sáıkes qarjylandyrylady.
8. Ýákiletti organ jergilikti deńgeıde TMKKK kórsetý jónindegi is-sharalardy iske asyrý sheńberinde aǵymdaǵy nysanaly transfertterdiń tıimdi paıdalanylýyn úılestirýdi jáne onyń monıtorıngin júzege asyrady.
9. Oblystardyń, Astana jáne Almaty qalalarynyń ákimderi jergilikti deńgeıde TMKKK kórsetý jónindegi is-sharalardy iske asyrý sheńberinde:
1) osy Qaǵıdalardyń 4-tarmaǵynda kórsetilgen is-sharalardy ótkizýdi;
2) kórsetilgen qyzmetter boıynsha derekterdiń durystyǵy men dáıektiligin;
3) jergilikti deńgeıde TMKKK kórsetýge berilgen aǵymdaǵy nysanaly transfertter boıynsha tikeleı jáne túpkilikti nátıje kórsetkishterin ýákiletti organmen kelisýdi;
4) ýákiletti organmen kelisý boıynsha jergilikti deńgeıde TMKKK kórsetýge berilgen aǵymdaǵy nysanaly transfertter boıynsha tikeleı jáne túpkilikti kórsetkishter nátıjelerine qol jetkizýdi qamtamasyz etedi.
3-taraý. Salaýatty ómir saltyn nasıhattaýǵa beriletin
aǵymdaǵy nysanaly transfertterdi paıdalaný tártibi
10. Oblystyq bıýdjetterge, Astana jáne Almaty qalalarynyń bıýdjetterine salaýatty ómir saltyn nasıhattaýǵa beriletin aǵymdaǵy nysanaly transfertter:
1) is-sharalardy uıymdastyrý jáne ótkizý;
2) Aqmola, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda jergilikti televızııa men radıostansııalarda sóz sóıleý;
3) Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda merzimdi baspalarda (gazetterde, jýrnaldarda) maqalalar jarııalaý;
4) aýdıony (beınerolıkterdi) jalǵa berý;
5) Atyraý, Qaraǵandy, Mańǵystaý oblystarynda oblystyq gazet shyǵarý;
6) Almaty, Atyraý, Shyǵys Qazaqstan, Qaraǵandy, Qyzylorda, Mańǵystaý, Pavlodar oblystarynda jáne Almaty qalasynda telebaǵdarlamalar daıyndaý jáne translıasııalaý;
7) aqparattyq-bilim berý materıaldaryn tırajdaý;
8) Aqmola, Almaty, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda anketa daıyndaý jáne júrgizý;
9) syrtqy jarnamany shyǵarý;
10) Almaty, Atyraý, Shyǵys Qazaqstan, Jambyl, Qaraǵandy, Qyzylorda, Mańǵystaý, Pavlodar, Ońtústik Qazaqstan oblystarynda jáne Astana qalasynda radıoaıdar arqyly aqparattandyrý;
11) Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Mańǵystaý, Pavlodar, Ońtústik Qazaqstan oblystarynda, Astana jáne Almaty qalalarynda veb-saıtqa turaqty aqparat ornalastyra otyryp, onyń qyzmetin qamtamasyz etý;
12) Aqmola, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Soltústik Qazaqstan, Ońtústik Qazaqstan oblystarynda jáne Astana qalasynda salaýatty ómir saltyn qalyptastyrý sheńberinde profılaktıkalyq tekserip-qaraý monıtorıngin júrgizý;
13) Aqmola, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda salaýatty ómir saltyn qalyptastyrý qyzmetiniń monıtorıngin júrgizý;
14) Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Mańǵystaý, Soltústik Qazaqstan, Ońtústik Qazaqstan oblystarynda, Astana jáne Almaty qalalarynda salaýatty ómir saltyn nasıhattaý boıynsha memlekettik áleýmettik tapsyrys ornalastyrý;
15) Aqmola, Atyraý, Qaraǵandy, Qostanaı, Qyzylorda, Mańǵystaý, Soltústik Qazaqstan, Ońtústik Qazaqstan oblystarynda aýdandyq salaýatty ómir salty ortalyqtarynyń (kabınetteriniń); Aqmola, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Mańǵystaý, Soltústik Qazaqstan, Ońtústik Qazaqstan oblystarynda jáne Astana qalasynda jastardyń densaýlyq ortalyqtarynyń (kabınetteriniń); Aqmola, Jambyl, Batys Qazaqstan, Qaraǵandy, Qostanaı, Soltústik Qazaqstan, Ońtústik Qazaqstan oblystarynda temekige qarsy kúres ortalyqtarynyń (kabınetteriniń) jumys isteýi arqyly salaýatty ómir saltyn qalyptastyrý jáne nasıhattaý jónindegi is-sharalardy iske asyrýǵa paıdalanylady.
11. Oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary salaýaty ómir saltyn nasıhattaý boıynsha qyzmetter berýshini tańdaýdy Qyzmetter berýshini tańdaý qaǵıdalaryna sáıkes júzege asyrady.
12. Salaýatty ómir saltyn nasıhattaý jónindegi is-sharalarǵa aqy tóleý jergilikti bıýdjettik baǵdarlamalardyń ákimshisi belgilegen tarıfter boıynsha júzege asyrylady.
13. Ýákiletti organ salaýatty ómir saltyn nasıhattaý jónindegi is-sharalardy iske asyrý sheńberinde aǵymdaǵy nysanaly transfertterdiń tıimdi paıdalanylýyn úılestirýdi jáne onyń monıtorıngin júzege asyrady.
14. Oblystardyń, Astana jáne Almaty qalalarynyń ákimderi salaýatty ómir saltyn nasıhattaý jónindegi is-sharalardy iske asyrý sheńberinde:
1) osy Qaǵıdalardyń 10-tarmaǵynda kórsetilgen is-sharalardy ótkizýdi;
2) salaýatty ómir saltyn nasıhattaýǵa beriletin aǵymdaǵy nysanaly transfertter boıynsha tikeleı jáne túpkilikti nátıje kórsetkishterin ýákiletti organmen kelisýdi;
3) ýákiletti organmen kelisý boıynsha salaýatty ómir saltyn nasıhattaýǵa berilgen aǵymdaǵy nysanaly transfertter boıynsha tikeleı jáne túpkilikti kórsetkishter nátıjelerine qol jetkizýdi qamtamasyz etedi.
4-taraý. Tegin medısınalyq kómektiń kepildik berilgen kólemin
qamtamasyz etýge jáne keńeıtýge beriletin aǵymdaǵy nysanaly transfertterdi paıdalaný tártibi
15. Oblystyq bıýdjetterge, Astana jáne Almaty qalalarynyń bıýdjetterine TMKKK-ni qamtamasyz etýge jáne keńeıtýge beriletin aǵymdaǵy nysanaly transfertter mynadaı skrınıngtik zertteýler júrgizýge:
1) áıelder arasynda jatyr moıny obyryn anyqtaýǵa;
2) eresek turǵyndar arasynda kolorektaldyq obyrdy eki kezeńdik ádispen anyqtaýǵa;
3) Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystary, Astana jáne Almaty qalalary turǵyndarynyń er adamdary arasynda qýyqasty bezi obyryn anyqtaýǵa;
4) Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana jáne Almaty qalalarynyń turǵyndary arasynda óńesh obyryn, asqazan obyryn anyqtaýǵa;
5) Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanaı, Qyzylorda, Pavlodar, Soltústik Qazaqstan oblystarynyń, Astana jáne Almaty qalalarynyń turǵyndary arasynda baýyr obyryn anyqtaýǵa;
6) sút bezi obyry skrınınginiń ekinshi kezeńin júrgizýge paıdalanylady.
16. Oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary skrınıngtik zertteýler júrgizýge medısınalyq qyzmetter berýshini tańdaý rásimin Qyzmetter berýshini tańdaý qaǵıdalaryna sáıkes júzege asyrady.
17. Qosalqy merdigerlik sharttar boıynsha aqy tóleýdi qosa alǵanda, TMKKK sheńberinde skrınıngtik zertteýler júrgizýge aqy tóleý № 725 buıryqpen bekitilgen tarıfterge sáıkes júzege asyrylady.
18. Ýákiletti organ skrınıngtik zertteýler júrgizý jónindegi is-sharalardy iske asyrý sheńberinde aǵymdaǵy nysanaly transfertterdiń tıimdi paıdalanylýyn úılestirýdi jáne onyń monıtorıngin júzege asyrady.
19. Oblystardyń, Astana jáne Almaty qalalarynyń ákimderi skrınıngtik zertteýler júrgizý jónindegi is-sharalardy iske asyrý sheńberinde:
1) skrınıngtik zertteýler júrgizýdi;
2) skrınıngtik zertteýler júrgizýge berilgen aǵymdaǵy nysanaly transfertter boıynsha tikeleı jáne túpkilikti nátıje kórsetkishterin ýákiletti organmen kelisýdi;
3) ýákiletti organmen kelisý boıynsha skrınıngtik zertteýler júrgizýge berilgen aǵymdaǵy nysanaly transfertter boıynsha tikeleı jáne túpkilikti kórsetkishter nátıjelerine qol jetkizýdi qamtamasyz etedi.
5-taraý. Ambýlatorııalyq deńgeıde dárilik zattardy, vaksınalardy jáne basqa da ımmýndyq-bıologııalyq preparattardy, sondaı-aq balalarǵa arnalǵan jáne emdik mamandandyrylǵan tamaq ónimderin satyp alýǵa beriletin aǵymdaǵy nysanaly transfertterdi paıdalaný tártibi
20. Oblystyq bıýdjetterge, Astana jáne Almaty qalalarynyń bıýdjetterine ambýlatorııalyq deńgeıde dárilik zattardy, vaksınalardy jáne basqa da ımmýndyq-bıologııalyq preparattardy, sondaı-aq balalarǵa arnalǵan jáne emdik mamandandyrylǵan tamaq ónimderin satyp alýǵa beriletin aǵymdaǵy nysanaly transfertter:
1) mynadaı naýqastardy:
týberkýlezben aýyratyndardy – týberkýlezge qarsy preparattarmen,
dıabetpen aýyratyndardy – dıabetke qarsy preparattarmen,
gemofılııamen aýyratyndardy – qan uıytý faktorymen,
jiti mıokard ınfarktyn alǵan adamdardy – trombolıtıkalyq preparattarmen,
«V» jáne «S» vırýstyq gepatıtterimen aýyratyndardy – vırýsqa qarsy preparattarmen,
gematologııalyq naýqastardy – hımııalyq preparattarmen,
AITV juqtyrǵan adamdardy – retrovırýsqa qarsy preparattarmen;
sozyl
