​Qazaqstan Respýblıkasy Ádilet mınıstrliginiń buıryǵy

2016 jylǵy 22 qyrkúıek             №786             Astana qalasy

Qazaqstan Respýblıkasy Úkimetiniń 2016 jylǵy 25 shildedegi № 439 qaýlysymen bekitilgen Qazaqstan Respýblıkasy Normatıvtik quqyqtyq aktileriniń memlekettik tizilimin, Qazaqstan Respýblıkasy Normatıvtik quqyqtyq aktileriniń etalondyq baqylaý bankin júrgizý qaǵıdalarynyń 18-tarmaǵyna sáıkes, sondaı-aq «Ádilet organdary týraly» Qazaqstan Respýblıkasy Zańynyń 7-baby 2-tarmaǵynyń 3) tarmaqshasyn basshylyqqa ala otyryp, buıyramyn: 

1. Qosa berilip otyrǵan Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyq bekitilsin.

2. Kúshi joıyldy dep tanylsyn:

1) Qazaqstan Respýblıkasy Ádilet mınıstriniń «Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyqty bekitý týraly» 2015 jylǵy 25 mamyrdaǵy № 286 buıryǵy (Qazaqstan Respýblıkasy Normatıvtik quqyqtyq aktileriniń memlekettik tirkeý tiziliminde № 11194 bolyp tirkelgen);

2) «Qazaqstan Respýblıkasy Ádilet mınıstriniń «Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyqty bekitý týraly» 2015 jylǵy 25 mamyrdaǵy № 286 buıryǵyna ózgerister engizý týraly» Qazaqstan Respýblıkasy Ádilet mınıstri mindetin atqarýshynyń 2016 jylǵy 10 aqpandaǵy № 70 buıryǵy (Qazaqstan Respýblıkasy Normatıvtik quqyqtyq aktileriniń memlekettik tirkeý tiziliminde № 13060 bolyp tirkelgen, «Ádilet» aqparattyq-quqyqtyq júıesinde 2016 jylǵy 17 aqpanda jarııalanǵan).

3. Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásiporny zańnamada belgilengen tártippen:

1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;

2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on kúntizbelik kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;

3) osy buıryqtyń Qazaqstan Respýblıkasy Ádilet mınıstrliginen alynǵan kúnnen bastap on kúntizbelik kún ishinde Qazaqstan Respýblıkasynyń normatıvtik quqyqtyq aktileriniń etalondyq baqylaý bankinde ornalastyrý úshin jiberilýin;

4) osy buıryqtyń Qazaqstan Respýblıkasy Ádilet mınıstrliginiń ınternet-resýrsynda ornalastyrylýyn qamtamasyz etsin.

4. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi.

Qazaqstan Respýblıkasynyń Ádilet mınıstri  M.BEKETAEV

Qazaqstan Respýblıkasy Ádilet mınıstriniń 2016 jylǵy 22 qyrkúıektegi

№ 786 buıryǵymen bekitilgen

Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyq

1-taraý. Jalpy erejeler

1. Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi osy nusqaýlyq (budan ári – Nusqaýlyq) Qazaqstan Respýblıkasy Úkimetiniń 2016 jylǵy 25 shildedegi № 439 qaýlysymen bekitilgen Qazaqstan Respýblıkasy Normatıvtik quqyqtyq aktileriniń memlekettik tizilimin, Qazaqstan Respýblıkasy Normatıvtik quqyqtyq aktileriniń etalondyq baqylaý bankin júrgizý qaǵıdalarynyń (budan ári – Qaǵıdalar) 18 - tarmaǵyna sáıkes ázirlendi jáne Qazaqstan Respýblıkasy Normatıvtik quqyqtyq aktileriniń etalondyq baqylaý bankin qalyptastyrýdy, sondaı-aq oǵan málimetter engizilýdi naqtylaıdy.

2. Qazaqstan Respýblıkasy Normatıvtik quqyqtyq aktileriniń etalondyq baqylaý bankin (budan ári – Etalondyq baqylaý banki) júrgizýdi Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásiporny (budan ári – RQAO) júzege asyrady.

3. Osy Nusqaýlyqty qoldaný úshin mynadaı uǵymdar paıdalanylady:

1) avtomattandyrylǵan basqarý júıesi - ákimshi men operatordyń avtomatty jumys ornyn uıymdastyrýǵa arnalǵan Etalondyq baqylaý bankiniń elektrondyq túrdegi aqparattyq júıesiniń kishi júıesi;

2) avtomattandyrylǵan basqarý júıesiniń operatory, ákimshisi - Etalondyq baqylaý bankin elektrondyq túrde júrgizý jónindegi fýnksııany júzege asyratyn RQAO qyzmetkeri;

3) aqparattyq júıe – belgili bir tehnologııalyq áreketterdi aqparattyq ózara is-qımyl arqyly iske asyratyn jáne naqty fýnksıonaldyq mindetterdi sheshýge arnalǵan aqparattyq-kommýnıkasııalyq tehnologııalardyń, qyzmet kórsetýshi personaldyń jáne tehnıkalyq qujattamanyń uıymdastyrylyp retke keltirilgen jıyntyǵy;

4) kýálandyrýshy ortalyq – elektrondyq sıfrlyq qoltańbanyń ashyq kiltiniń elektrondyq sıfrlyq qoltańbanyń jabyq kiltine sáıkestigin kýálandyratyn, sondaı-aq tirkeý kýáliginiń dáıektiligin rastaıtyn zańdy tulǵa;

5) Qazaqstan Respýblıkasy Normatıvtik quqyqtyq aktileriniń etalondyq baqylaý banki – normatıvtik quqyqtyq aktilerdiń qaǵaz jetkizgishtegi jıyntyǵy jáne elektrondyq qujat nysanyndaǵy normatıvtik quqyqtyq aktilerdiń elektrondyq júıesi, olar týraly málimetter Qazaqstan Respýblıkasy Normatıvtik quqyqtyq aktileriniń memlekettik tizilimine engizilgen;

6) Qazaqstan Respýblıkasy Normatıvtik quqyqtyq aktileriniń memlekettik tizilimi (budan ári – Memlekettik tizilim) – normatıvtik quqyqtyq aktilerdiń derektemelerin jáne osy aktiler týraly basqa da aqparattyq-anyqtamalyq sıpattaǵy málimetterdi qamtıtyn Qazaqstan Respýblıkasynyń normatıvtik quqyqtyq aktilerin memlekettik esepke alýdyń biryńǵaı júıesi;

7) memlekettik organdardyń elektrondyq qujat aınalymynyń biryńǵaı júıesi – Qazaqstan Respýblıkasynyń memlekettik organdary men tıisti memlekettik organnyń laýazymdy adamdary arasyndaǵy elektrondyq qujat almasýǵa arnalǵan elektrondyq qujat aınalymy júıesi;

8) memlekettik organdardyń biryńǵaı kólik ortasy - Qazaqstan Respýblıkasynyń aýmaǵynda ornalasqan, vedomstvoaralyq aqparattyq-kommýnıkasııalyq jeliden turatyn, basqarý jáne uıymdastyrý maqsattaryn iske asyrýǵa jáne jergilikti ózin-ózi basqarý organdarynyń, aýmaqtyq bólimsheleri men vedomstvolyq baǵynystaǵy uıymdaryn qosa alǵanda, memlekettik organdardyń ózara is-áreketine arnalǵan, sondaı-aq «elektrondyq úkimettiń» elektrondyq aqparattyq resýrstary men aqparattyq júıeleriniń ózara is-áreketin qamtamasyz etýge arnalǵan telekommýnıkasııalar jelisi;

9) normatıvtik quqyqtyq akt – respýblıkalyq referendýmda ne quqyq normalaryn belgileıtin, olardyń qoldanylýyn ózgertetin, toqtatatyn nemese toqtata turatyn ýákiletti organ qabyldaǵan, belgilengen nysandaǵy qaǵaz jetkizgishtegi jazbasha resmı qujat jáne onymen birdeı elektrondyq qujat;

10) normatıvtik quqyqtyq aktiniń elektrondyq kóshirmesi – jazbasha resmı qujatpen birdeı jáne elektrondyq sıfrlyq qoltańba arqyly kýálandyrylǵan elektrondyq-sıfrlyq nysandaǵy qujat;

11) sıfrlyq kod - aqparatty beretin shartty belgiler, sıgnaldar júıesi;

12) etalondyq baqylanatyn normatıvtik quqyqtyq akt – qaǵaz jetkizgishtegi jáne RQAO-nyń laýazymdy adamynyń elektrondyq sıfrlyq qoltańbasymen qol qoıylǵan elektrondyq qujat nysanyndaǵy (ózgeristerimen jáne tolyqtyrýlarymen) normatıvtik quqyqtyq akt;

13) elektrondyq sıfrlyq qoltańba – elektrondyq sıfrlyq qoltańba quraldarymen jasalǵan jáne elektrondyq qujattyń dáıektiligin, onyń tıesililigin jáne mazmunynyń ózgermeıtindigin rastaıtyn elektrondyq sıfrlyq nyshandar terimi;

14) elektrondyq qujat aınalymy júıesi - qatysýshylary arasyndaǵy qatynastar «Elektrondyq qujat jáne elektrondyq sıfrlyq qoltańba týraly» 2003 jylǵy 7 qańtardaǵy Qazaqstan Respýblıkasynyń Zańymen jáne Qazaqstan Respýblıkasynyń ózge de normatıvtik quqyqtyq aktilerimen retteletin elektrondyq qujattar almasý júıesi.

4. «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń (budan ári - Zań) 22-babynyń 2), 3), 4), 5), 6), 7) tarmaqshalaryna sáıkes «Qyzmettik paıdalaný úshin», «Baspasózde jarııalaýsyz», «Baspasózge arnalmaǵan» degen belgilemeleri bar normatıvtik quqyqtyq aktiler elektrondyq túrde Etalondyq baqylaý bankinde derektemeler túrinde ornalasady.

«Erekshe mańyzdy», «asa qupııa», «qupııa» degen belgileri bar normatıvtik quqyqtyq aktiler Etalondyq baqylaý bankine engizilýge jatpaıdy.

5. Qaǵıdalardyń 8, 9-tarmaqtarynda kórsetilgen normatıvtik quqyqtyq aktiler Etalondyq baqylaý bankine engizilýge jatady.

6. Qaǵıdalardyń 8, 9-tarmaqtarynda kórsetilgen normatıvtik quqyqtyq aktiler memlekettik organnyń mórimen rastalǵan jáne Zańnyń 35-babynda kórsetilgen normatıvtik quqyqtyq aktilerge qol qoıýǵa ýákiletti adamnyń elektrondyq sıfrlyq qoltańbasymen kýálandyrylǵan qaǵaz jáne elektrondyq túrdegi, qazaq jáne orys tilderindegi bir danada normatıvtik quqyqtyq aktilerdiń kóshirmeleri túrinde RQAO-ǵa kelip túsedi.

7. Qaǵıdalardyń 8, 9-tarmaqtarynda kórsetilgen kelip túsken normatıvtik quqyqtyq aktilerdi Etalondyq baqylaý bankine engizý olar RQAO-ǵa kelip túsken kúnnen bastap bes jumys kúni ishinde júzege asyrylady.

8. Qaǵıdalardyń 8, 9-tarmaqtarynda kózdelgen elektrondyq túrdegi normatıvtik quqyqtyq aktilerdi RQAO-ǵa jiberý elektrondyq qujat aınalymynyń júıesi arqyly júrgiziledi.

Birlesken normatıvtik quqyqtyq aktilerdi RQAO-ǵa normatıvtik quqyqtyq aktini ázirleýge jaýapty bolyp belgilengen ýákiletti organ joldaıdy.

Normatıvtik quqyqtyq aktilerge qol qoıý Qazaqstan Respýblıkasy Investısııalar jáne damý mınıstriniń 2015 jylǵy 9 jeltoqsandaǵy № 1187 buıryǵymen bekitilgen (Normatıvtik quqyqtyq aktilerdiń memlekettik tiziliminde № 12864 bolyp tirkelgen) Elektrondyq sıfrlyq qoltańbanyń tólnusqalyǵyn tekserý qaǵıdalaryna sáıkes elektrondyq sıfrlyq qoltańba (tirkeý kýáliginiń «Kiltti paıdalaný» (KeyUsage) ornynyń mánin tekserý kezinde «Sıfrlyq qoltańba» jáne «Bastartpaýshylyq» mánderi qamtylady) úshin paıdalanylatyn kýálandyrýshy ortalyqtyń tirkeý kýáligimen júzege asyrylýǵa tıis.

Birlesken normatıvtik quqyqtyq aktilerge elektrondyq sıfrlyq qoltańbamen qol qoıýdy normatıvtik quqyqtyq aktini ázirleýge jaýapty bolyp belgilengen ýákiletti organ qamtamasyz etedi.

9. Memlekettik organdar jiberetin normatıvtik quqyqtyq aktilerge elektrondyq qujat aınalymynyń júıesinde normatıvtik quqyqtyq aktilerdiń derektemelerin jáne normatıvtik quqyqtyq akt týraly anyqtamalyq-aqparattyq derekterdi qamtıtyn kartochka (budan ári - kartochka) toltyrylady. Normatıvtik quqyqtyq aktilerdiń DOC nemese DOCX formatyndaǵy mátinderine taqyrypty qospaǵanda, normatıvtik quqyqtyq aktilerdiń derektemeleri jáne normatıvtik quqyqtyq aktiler týraly anyqtamalyq-aqparattyq derekter engizilmeıdi.

Normatıvtik quqyqtyq akt kartochkalarynyń málimetterin qurastyrý jónindegi talaptar osy Nusqaýlyqtyń 1-qosymshasynda keltirilgen.

2-taraý. Qaǵaz jáne elektrondyq túrdegi Etalondyq baqylaý bankin qalyptastyrý

10. Qaǵıdalardyń 8, 9-tarmaqtarynda kórsetilgen normatıvtik quqyqtyq aktini jınaqtaýdy, tirkeýdi jáne normatıvtik quqyqtyq aktilerdiń nysany boıynsha hronologııalyq tártippen ornalastyrýdy qamtıtyn esepke alynýǵa jáne júıelenýge jatady.

Normatıvtik quqyqtyq aktilerdi qaǵaz túrinde osy Nusqaýlyqtyń 2-qosymshasyna saı nysan boıynsha normatıvtik quqyqtyq aktilerdi esepke alý jýrnalynda RQAO tirkeıdi. Normatıvtik quqyqtyq akt týraly jazbaǵa normatıvtik quqyqtyq aktiniń elektrondyq kóshirmesiniń bolýy týraly belgi soǵylady.

Normatıvtik quqyqtyq aktilerdi esepke alý jáne júıeleý tolyq kólemde jáne ýaqtyly júrgiziledi.

11. Etalondyq baqylaý bankin elektrondyq túrde qalyptastyrý barysynda Etalondyq baqylaý banki aqparattyq júıesiniń avtomattandyrylǵan basqarý júıesiniń operatory qajettiligine qaraı NQA-ny qaǵaz túrinde paıdalanady.

Normatıvtik quqyqtyq aktilerdi qaǵaz túrinde berýdi jáne qaıtarýdy RQAO osy Nusqaýlyqtyń 3-qosymshasyna saı nysan boıynsha normatıvtik quqyqtyq aktilerdi berý jáne qaıtarý jýrnalynda tirkeıdi.

12. Etalondyq baqylaý bankin elektrondyq túrde qalyptastyrý aqparattyq júıe (budan ári - júıe) arqyly júzege asyrylady, bul júıe úsh kishi júıeden turady:

avtomattandyrylǵan basqarý júıesi - normatıvtik quqyqtyq aktilerdi daıyndaýǵa arnalǵan;

qoıma - Qazaqstan Respýblıkasynyń normatıvtik quqyqtyq aktilerin elektrondyq túrde saqtaýǵa arnalǵan biryńǵaı ortalyqtandyrylǵan depozıtarııdiń mindetin atqarady jáne olarǵa engizilgen ózgerister men tolyqtyrýlar týraly aqparatty saqtaýǵa arnalǵan quraldardy usynady (budan ári – qoıma);

veb-portal – Qazaqstan Respýblıkasynyń normatıvtik quqyqtyq aktilerin elektrondyq túrde aptasyna 7 kún táýligine 24 saǵat rejiminde qaraýǵa, sondaı-aq qosymsha fýnksıonaldyq múmkindikterge qol jetkizýge arnalǵan (budan ári -veb-portal).

13. Etalondyq baqylaý banki aqparattyq júıesiniń «veb-portal» kishi júıesi Internet ortadaǵy barlyq múddeli adamdar úshin, sonyń ishinde zamanaýı mobıldi qurylǵylar (smartfondar, planshetter jáne t.s.s.) arqyly júıege kirýdiń biryńǵaı núktesi bolyp tabylady.

14. Engiziletin normatıvtik quqyqtyq aktide júıe:

kýálandyrýshy ortalyqqa elektrondyq sıfrlyq qoltańbanyń jaramdylyǵy mánine suraý salýdy jiberý arqyly elektrondyq sıfrlyq qoltańbanyń legıtımdiligin (qaıtaryp alynǵan, jaramdy, merzimi ótken) tekserýdi;

sıfrlyq kodtyń tutastyǵy, oqylatyndyǵy mánine formattyq-logıkalyq baqylaýdy júrgizedi.

Tekserý nátıjesi oń bolǵan jaǵdaıda, normatıvtik quqyqtyq akt elektrondyq túrde túsken dep esepteledi, bul týraly jóneltýshige normatıvtik quqyqtyq aktiniń Etalondyq baqylaý bankine jetkizilgeni týraly belgileme jiberiledi.

Sondaı-aq Etalondyq baqylaý banki aqparattyq júıesiniń avtomattandyrylǵan basqarý júıesiniń operatory normatıvtik quqyqtyq akt kelip túsken kúnnen bastap úsh jumys kúni ishinde onyń derektemelerin jáne mátinniń bir normatıvtik quqyqtyq aktige tıesililigin de tekseredi.

Tekserý nátıjesi teris bolǵan jaǵdaıda, normatıvtik quqyqtyq aktiler elektrondyq túrde alynbaǵan dep esepteledi, bul týraly jóneltýshige qujattyń alynbaý sebepteri kórsetile otyryp, Etalondyq baqylaý banki aqparattyq júıesinen elektrondyq qujat aınalymy júıesine habarlama jiberiledi.

Elektrondyq sıfrlyq qoltańbanyń legıtımdiligine tekserýden nemese formattyq-logıkalyq baqylaýdan ótpegen normatıvtik quqyqtyq akt júıe qoımasynyń «Qabyldanbaǵan faıldar» bóliminde saqtalýǵa tıis.

Memlekettik organdar qujattyń alynbaǵandyǵy týraly habarlamany alǵan kúnnen bastap eki jumys kúni ishinde RQAO-ǵa normatıvtik quqyqtyq aktilerdi elektrondyq túrde qaıta jiberedi.

15. Etalondyq baqylaý banki aqparattyq júıesiniń avtomattandyrylǵan basqarý júıesine qabyldanǵan normatıvtik quqyqtyq aktige normatıvtik quqyqtyq akt týraly derektemelerdi jáne aqparattyq-anyqtamalyq derekterdi qamtıtyn tirkeý kartochkasy toltyrylady.

Normatıvtik quqyqtyq akt derektemeleri týraly málimetter Zańnyń 22-babyna sáıkes kórsetiledi.

Anyqtamalyq-aqparattyq derekter Memlekettik tizilim nómirin, kúshine ený, qujattyń ózgertilgen kúnin, qoldanylý óńirin, resmı jarııalanýyn, quqyqtyq qatynastar salasy týraly málimetterdi qamtıdy.

16. Júıe kelip túsken normatıvtik quqyqtyq aktilerge avtomatty rejımde Memlekettik tizilimniń nómirin beredi jáne tirkeý kartochkasynda saqtaıdy.

Qazaqstan Respýblıkasy normatıvtik quqyqtyq aktileriniń Etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyqqa 1-qosymsha

Elektrondyq qujat aınalymy júıesinde memlekettik organdar toltyratyn normatıvtik quqyqtyq aktiler kartochkasynyń málimetterin qurastyrý boıynsha qoıylatyn talaptar

1. Normatıvtik quqyqtyq aktiniń kartochkasynda normatıvtik quqyqtyq akt týraly mynadaı esepke alý málimetteri kórsetilýi tıis:

1-derektemede – normatıvtik quqyqtyq aktiniń qazaq tilindegi ataýy (toltyrylýy mindetti);

2-derektemede – normatıvtik quqyqtyq aktiniń orys tilindegi ataýy (toltyrylýy mindetti);

3-derektemede – máseleniń sıpaty; «Máseleniń sıpaty» anyqtamalyǵynan «Etalondyq baqylaý bankine normatıvtik quqyqtyq akt» máni tańdalady (toltyrylýy mindetti);

4-derektemede – akt nysany; Zańnyń 22 - baby 2) tarmaqshasyna sáıkes «Qujattyń túri» anyqtamalyǵynan tańdalady (toltyrylýy mindetti);

5-derektemede – qujat tili; tilder tiziminen tańdalady (toltyrylýy mindetti);

6-derektemede – ázirleýshi memlekettik organ; «Korrespondentter» anyqtamalyǵynan tańdalady;

7-derektemede – aktini qabyldaǵan organ; «Korrespondentter» anyqtamalyǵynan tańdalady (eger bul memlekettik organdardyń birlesken normatıvtik quqyqtyq aktisi bolǵan jaǵdaıda, birneshe maǵyna engizilýi múmkin) (toltyrylýy mindetti);

8-derektemede – normatıvtik quqyqtyq aktiniń tirkeý nómiri; memlekettik organda normatıvtik quqyqtyq aktini qabyldaý nómiri kórsetiledi (eger birlesken normatıvtik quqyqtyq akt bolǵan jaǵdaıda, normatıvtik quqyqtyq aktini Etalondyq baqylaý bankine jibergen memlekettik organda normatıvtik quqyqtyq aktini qabyldaý nómiri kórsetiledi) (toltyrylýy mindetti);

9-derektemede – qabyldaý kúni; memlekettik organda normatıvtik quqyqtyq aktini qabyldaý kúni kórsetiledi (eger birlesken normatıvtik quqyqtyq akt bolǵan jaǵdaıda, normatıvtik quqyqtyq aktini Etalondyq baqylaý bankine jibergen memlekettik organda normatıvtik quqyqtyq aktini qabyldaý kúni kórsetiledi) (toltyrylýy mindetti);

10-derektemede – qabyldaý oryny; «Aımaqtar» anyqtamalyǵynan tańdalady (toltyrylýy mindetti);

11-derektemede – memlekettik tirkeý nómiri; Qazaqstan Respýblıkasy ádilet organdarynda berilgen memlekettik tirkeý nómiri kórsetiledi (Qazaqstan Respýblıkasy ádilet organdarynda memlekettik tirkeýden ótken ortalyq jáne jergilikti memlekettik organdardyń normatıvtik quqyqtyq aktileri úshin toltyrylýy mindetti);

12-derektemede – memlekettik tirkeý kúni; Qazaqstan Respýblıkasy ádilet organdarynda memlekettik tirkeý kúni kórsetiledi (Qazaqstan Respýblıkasy ádilet organdarynda memlekettik tirkeýden ótken ortalyq jáne jergilikti memlekettik organdardyń normatıvtik quqyqtyq aktileri úshin toltyrylýy mindetti);

13-derektemede – memlekettik tirkeý organy; «Korrespondentter» anyqtamalyǵynan tańdalady (Qazaqstan Respýblıkasy ádilet organdarynda memlekettik tirkeýden ótken ortalyq jáne jergilikti memlekettik organdardyń normatıvtik quqyqtyq aktileri úshin toltyrylýy mindetti);

14-derektemede – qoldaný aımaǵy; «Aımaqtar» anyqtamalyǵynan tańdalady (toltyrylýy mindetti);

15-derektemede – jarııalanym derekkózi; bolǵan kezde «Jarııalanym derekkózderi» anyqtamalyǵynan tańdalady (toltyrylýy mindetti emes);

15.1-derektemede – jarııalanym basylymynyń nómiri; bolǵan kezde basylym nómiri kórsetiledi (toltyrylýy mindetti emes);

15.2-derektemede – jarııalaný kúni; bolǵan kezde basylymda jarııalaný kúni kórsetiledi (toltyrylýy mindetti emes);

16-derektemede – normatıvtik quqyqtyq aktige qol qoıǵan memlekettik organ(dar) basshysynyń(larynyń) T.A.Á.; normatıvtik quqyqtyq aktige qol qoıǵan ýákiletti adamnyń(dardyń) tegi, aty, ákesiniń aty (bar bolsa) kórsetiledi (toltyrylýy mindetti);

17-derektemede – faıldardy bekitý; DOC nemese DOCX formatyndaǵy faıldardy salý (toltyrylýy mindetti);

18-derektemede – paraqtar/qosymshalar; normatıvtik quqyqtyq akti (negizgi, týyndy) paraqtarynyń jáne qosymsha (eger qosymsha bolmasa «0» sıfri kórsetiledi) paraqtarynyń sany kórsetiledi (toltyrylýy mindetti);

19-derektemede – basshynyń elektrondyq sıfrlyq qoltańbasy; normatıvtik quqyqtyq aktige qol qoıýǵa ýákiletti adamnyń elektrondyq sıfrlyq qoltańbasymen normatıvtik quqyqtyq aktige qol qoıý (toltyrylýy mindetti);

20-derektemede – keńseniń elektrondyq sıfrlyq qoltańbasy; jiberiletin derekterge keńse qyzmetkeriniń elektrondyq sıfrlyq qoltańbasymen qol qoıý (toltyrylýy mindetti);

21-derektemede – jetkizgish túri; mynadaı maǵynalardy: = 1 (elektrondyq qujattyń tólnusqasy), = 3 (qaǵaz qujattyń elektrondyq kóshirmesi) qabyldaıtyn jetkizgishtiń túri kórsetiledi (toltyrylýy mindetti).

2. Elektrondyq túrdegi normatıvtik quqyqtyq aktige mynadaı talaptar qoıylady:

1) elektrondyq qujat qaǵaz túrindegi normatıvtik quqyqtyq aktiniń túrin jáne aqparatyn tolyǵymen kórsetýge tıis;

2) normatıvtik quqyqtyq akt árbir salynymdy qosa alǵanda, (normatıvtik quqyqtyq aktiniń negizgi túri, normatıvtik quqyqtyq aktiniń týyndy túri, qosymshalar) tek Qazaqstan Respýblıkasy memlekettik organdardyń kýálandyrýshy ortalyǵynyń nemese Qazaqstan Respýblıkasynyń ulttyq kýálandyrýshy ortalyǵynyń elektrondyq sıfrlyq qoltańbasymen rastalady;

3) normatıvtik quqyqtyq aktiler qazaq jáne orys tilderinde usynylady, olardyń jalpy kólemi 60 Mb aspaýy tıis. Kólemi 60 Mb asqan jaǵdaıda, normatıvtik quqyqtyq aktiler RAR, ZIP muraǵattalǵan pishimde usynylýy múmkin.

4) normatıvtik quqyqtyq aktiniń mátininde bir fotosýrettiń kólemi 200 Kb-dan aspaýy tıis;

5) normatıvtik quqyqtyq aktiler (negizgi, týyndy (lar) jáne oǵan qosymsha (lar) Microsoft Word formatynda (keńeıtilimi DOC nemese DOCX) usynylady;

6) eki tilde usynylatyn faıldardyń jalpy sany – altydan aspaıdy. Faıl sany asqan jaǵdaıda, bir tildegi normatıvtik quqyqtyq aktiniń elektrondyq kóshirmesin bir elektrondyq faılda qalyptastyrýdy saqtaı otyryp, olardyń ishindegisin bir faılǵa biriktirý ruqsat etiledi;

7) qaǵaz tólnusqadaǵy normatıvtik quqyqtyq aktiniń mátinine saı faıldar salynymdary tártibiniń sáıkestigi:

normatıvtik quqyqtyq aktiniń negizgi túri;

normatıvtik quqyqtyq aktiniń týyndy túr (ler)i;

qosymshalar nómirleýdiń ósý tártibimen (1, 2, 3, jáne t.b.) ;

8) normatıvtik quqyqtyq aktiniń elektrondyq qujattarynda nómirlengen tizimderdi, Microsoft Word ishine salynǵan fýnksııasy - avtonómirleýdi paıdalanbastan, qolmen resimdeý;

9) ishine salynymdary bar faıldardy bekitý qaǵaz túrindegi normatıvtik quqyqtyq akti mátininiń jazylý tártibin saqtaı otyryp, árbir tilde kezekpen júzege asyrylady.

3. Kestelerdi resimdeýdi qaǵaz tólnusqamen naqty sáıkestikte jáne mindetti túrde Microsoft Word (Keste) fýnksıonalyn paıdalaný arqyly júzege asyrý qajet.

Qazaqstan Respýblıkasy normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyqqa 2-qosymsha

Nysan

Normatıvtik quqyqtyq aktilerdi esepke alý jýrnaly

№

r/b Kelip túsken kúni Normatıvtik quqyqtyq aktiniń nysany, nómiri jáne qabyldanǵan kúni Elektrondyq kóshirme týraly belgi

1 2 3 4

Qazaqstan Respýblıkasy normatıvtik quqyqtyq aktileriniń etalondyq baqylaý bankin qalyptastyrý, sondaı-aq oǵan málimetter engizý jónindegi nusqaýlyqqa 3-qosymsha

Nysan

Normatıvtik quqyqtyq aktilerdi berý jáne qaıtarý jýrnaly

№

r/b Berilgen kúni Normatıvtik quqyqtyq aktiniń nysany, nómiri jáne qabyldanǵan kúni Normatıvtik quqyqtyq aktini alǵan tulǵanyń T.A.Á. (bolǵan kezde) Alǵandyǵy týraly qoly Qaıtarý kúni jáne qoly

1 2 3 4 5 6

Buıryq Qazaqstan Respýblıkasynyń Ádilet mınıstrliginde 2016 jylǵy 29 qyrkúıekte Normatıvtik quqyqtyq kesimderdi memlekettik tirkeýdiń tizilimine №14270 bolyp engizildi.