Ystanbuldaǵy qonaqúılerdiń bir kúndik ortasha baǵasy 2017 jyldyń aqpan aıynda 70 eýroǵa teńesti, bul ótken jylǵy kórsetkishpen salystyrǵanda 20 paıyzǵa az, dep habarlaıdy (TUROB) Túrkııa qonaqúı qyzmetkerleriniń qaýymdastyǵy.
Qaýymdastyqtyń málimetinshe, ótken jyldyń aqpan aıynda qonaqúılerdiń 47,6 paıyzy tolyq bolsa, bıyl aqpanda bul kórsetkish 47,2 paıyz boldy. О́tken jyly baǵa táýligine ortasha eseppen 87,1 eýro bolǵan edi.
TUROB prezıdenti Tımýr Baıındırdiń aıtýynsha, qazirgi baǵa qonaqúı bıznesi úshin aýyrǵa soqpaq. Ol Túrkııa bıligin jedel shara qabyldaýǵa shaqyryp, Ystanbuldyń týrıstik atyn taǵy da tanyta túsý kerektigin aıtty.
Ystanbulǵa baratyn týrıster ótken jyly 9,2 mln adamǵa azaıǵan edi. Bul sońǵy 16 jyldaǵy eń tómengi kórsetkish bolatyn. Sonyń ishinde, AQSh, Reseı azamattarynyń kelýi azaıǵan.
