Nysandy aralaý barysynda B.Saǵyntaevqa «Nur Aqtóbe» turǵyn úı alabyndaǵy turǵyn úılerdi salý barysy, jobalyq sheshim erekshelikteri jáne beriletin páterler sapasy týraly baıandaldy. Nysandardyń qurylysynda paıdalanylatyn materıaldardyń 65% jergilikti kásiporyndarda óndiriletinin aıta ketken jón.
Barlyǵy «Nurly jer» baǵdarlamasy boıynsha Aqtóbe oblysynda 2017 jyly 500-den kem emes az qabatty turǵyn úı salý josparlanyp otyr, bul turǵyn úı kezeginde turǵan 700-den astam otbasyny qolaıly baspanamen qamtamasyz etýge múmkindik beredi. Bul osy óńir úshin erekshe ózektilikke ıe, sebebi QR Prezıdentiniń tapsyrmasy boıynsha, munda aýqymdy aglomerasııa damyp, Aqtóbe qalasy zamanaýı ýrbanıstik ortalyqqa aınalýy tıis.
Eske sala keteıik, QR Prezıdenti N. Nazarbaev óziniń «Qazaqstannyń úshinshi jańǵyrýy: jahandyq básekege qabilettilik» atty Joldaýynda «Nurly jer» turǵyn úı baǵdarlamasyn júzege asyrýdy Úkimettiń taıaý keleshektegi basymdyqty mindetteriniń biri retinde atap kórsetken, sebebi baǵdarlama aldaǵy 15 jylda 1,5 mıllıon otbasyn turǵyn úımen qamtamasyz etýge baǵyttalǵan.
Aıta ketý kerek, Baǵdarlamada turǵyn úı naryǵyn damytýdyń keshendi sharalary qamtylǵan. Bul - qurylys salýshylar úshin memlekettiń sýbsıdııalaýdy usynýy esebinen bank nesıelerin arzandatý, sonymen qatar halyqqa arnalǵan ıpotekalyq nesıelerdi sýbsıdııalaý.
