Aǵymdaǵy jyldyń naýryz aıynyń sońyna «QazAgro» ulttyq basqarýshy holdıngi qurylymyna enetin «QazAgroQarjy» aksıonerlik qoǵamyna quny 11 mlrd teńgeden asa somaǵa kóktemgi-egis jumystaryn júrgizýge arnalǵan aýyl sharýashylyǵy tehnıkasyn satyp alýǵa 811 ótinim kelip tústi, dep habarlaıdy "QazAgro"-nyń baspasóz qyzmeti.
Búgingi tańda agrarshylarmen 2,4 mlrd teńgege 299 tehnıka satyp alýǵa qarjy lızınginiń sharttary jasalyp ta qoıǵan. Sonymen qatar, 1,8 mlrd teńge somasyna 116 ótinim maquldandy, qalǵandary qaraýda jatyr.
Esterińizge sala keteıik, 2016 jylǵy 28 jeltoqsanda aýyl sharýashylyǵy tehnıkasy men jabdyqtardyń lızıngisine arnalǵan syıaqy mólsherlemesi jyldyq 19 paıyzdan 17,3 paıyzǵa ǵa tómendetilgen.
Eń kóp ótinim Shyǵys Qazaqstan (124) jáne Almaty (112) oblystarynda, al eń az ótinim Aqmola (15) jáne Pavlodar (17) oblystarynda tirkelgen.
2016 jyldyń qortyndysy boıynsha, «QazAgroQarjy» AQ 51,8 mlrd. teńge somasyna 3 myń birlikten asa tehnıka satyp alýdy qarjylandyrdy. Qazirgi ýaqytta Qazaqstanǵa ákelingen aýyl sharýashylyǵy tehnıkasynyń árbir ekinshisi «QazAgroQarjy» AQ qarjylaı qoldaýynyń arqasynda satyp alynǵan.
