Premer-Mınıstr otyrysty bastaı otyryp, óńirdegi kásipkerlik sektoryn damytýdyń ózekti máseleleri jóninde pikir almasýdy usyndy, dep habarlaıdy pm.kz.
Kezdesý barysynda shara qatysýshylary nesıe resýrstarynyń qoljetimdiligi, sýbsıdııalaý, paıyzdyq mólsherlemeler, salyq saıasaty máselelerin, sonymen qatar «Bıznestiń jol kartasy-2020» memlekettik baǵdarlamasyn iske asyrýdyń túrli aspektilerin talqylady. Sondaı-aq, Aqtóbe oblysynyń kásipkerlerdiń quqyǵyn qorǵaý keńesi kótergen máseleler talqylandy.
Kezdesýge «Atameken» UKP tóralqasynyń tóraǵasy T. Qulybaev, «Atameken» UKP basqarma tóraǵasy A. Myrzahmetov qatysty. «Atameken» UKP óńirlik keńesiniń tóraǵasy I. Saljanov, «Qadyrova» JK dırektory S. Qadyrova, «Dastan» JShS prezıdenti A. Aıtjanov, «Aqtóbe oblysynyń sút jáne sút ónimderin óndirýshiler qaýymdastyǵy» ZTB tóraǵasy M. Iteǵulov, «Aqtóberentgen» AQ prezıdenti R. Esmaǵambetov, «Kóktas-Aqtóbe» AQ dırektorynyń orynbasary J. Jaqypova sóz sóıledi.
Keńes qorytyndysy boıynsha B. Saǵyntaev jaýapty memlekettik organdarǵa kóterilgen máselelerdi baqylaýǵa alýdy tapsyrdy.
Aıta ketý kerek, QR Premer-Mınıstri óńirlerge jumys sapary kezinde bıznes sektorynyń ókilderimen kezdesýge erekshe basymdyq beredi, onda kásipkerlerge qoldaý kórsetý boıynsha Úkimettiń júrgizip jatqan jumystaryn túsindiredi. QR Prezıdenti N. Nazarbaev «Qazaqstannyń úshinshi jańǵyrýy: jahandyq básekege qabilettilik» atty Joldaýynda bıznestiń elimizdiń ekonomıkalyq ósiminiń qozǵaýshy kúshine aınalýy kerektigin atap kórsetken. Osy oraıda Úkimet shyǵyndardy qysqartý, qaıta retteý boıynsha jáne kásipkerlerge qarjylyq ári zańnamalyq qoldaý kórsetý jóninde keshendi sharalardy júzege asyrýda.
