«Bastapqyda «A» korpýsyna 1 204 adam alyndy, qazirgi kezde rezervte 127 adam tur. Iаǵnı qalǵandary qyzmetke ornalasty. Búginde «A» korpýsynyń 39 laýazymy bos. Osy turǵyda ne isteý kerek? Birinshiden, biz «A» korpýsyna jatatyn laýazymdardy qysqartý baǵytyndamyz. Bul barshamyzdyq ortaq pikirimiz dep oılaımyz. Osy oraıda «A» korpýsynda basqarýshylyq ári ornalastyrýshylyq sheshimderdi qabyldaıtyn adamdar bolýy tıis degen tujyrym bar. Olar kimder? Búgingi tizimde jaýapty hatshylar, ortalyq memlekettik jáne jergilikti atqarýshy organdar apparattarynyń jetekshileri, ortalyq memorgandar komıtetteriniń tóraǵalary, aýdan ákimderi qamtylǵan. Qalǵan laýazymdardy bosatamyz jáne Jarlyqtyń kelisilgen jobasy Memleket basshysynyń qol qoıýyna engizildi», - dedi Qojamjarov «Nur Otan» partııasynda ótken memlekettik qyzmetti reformalaý máseleleri jónindegi partııalyq tyńdaýlar barysynda.
Bıylǵy aqpanda Qaırat Qojamjarov Prezıdentke «A» korpýsyn jetildirý usynystary tanystyrylatynyn habarlaǵan bolatyn.
«Jınaqtalǵan tájirıbeni eskere otyryp, «A» korpýsy basqarýshylar ınstıtýtyn jetildirý qajettilik etedi. Prezıdent Ákimshiligimen birlese tujyrymdamalyq usynysty ázirledik jáne ol Memleket basshysynyń qaraýyna engiziledi. Bul óz kezeginde «A» korpýsynda laýyzymdar sanyn qysqartýǵa qatysty bolady»,-dep aıtqan bolatyn agenttik tóraǵasy.
