Áıelder kásipkerligin damytý úshin qolǵa alynǵan jańa jobasy týraly "Astana banki" AQ basqarma tóraǵasy Eskendir Maılybaev baspasóz konferensııasy barysynda málimdedi, dep habarlaıdy kapital.kz.
"Qazaqstanda áıelder kásipkerliginiń mańyzdylyǵyn eskere otyryp, biz arnaıy joba bastadyq. Bir jyl buryn biz áıelderge arnalǵan bank kartasyn shyǵarǵan edik. Bıyl sáýir aıynan bastap osy karta arqyly jasalǵan tólemniń 0,7 paıyzy áıelder kásipkerligin damytý úshin Áıelder kóshbasshylyǵy qoryna aýdarylatyn bolady. Ony bank óz moınyna alady. Nátıjesinde, tutynýshy bank kartasy arqyly saýda jasaı otyryp, áıelder kásipkerliginiń damýyna úles qosady", - dedi Maılybaev.
Sáýir aıynyń basynda www.pinkproject.kz saıty iske qosylady. Ondaǵy maqsat áıelderge Qazaqstan bıznes jasaý týraly aqparat berý. Onda áıelder kásipkerligin qarjylandyrý týraly barlyq aqparat bolady. Sonymen qatar, osy saıt arqyly názik jandy kásipkerler ózderine seriktester de taba alady.
Áıelder kóshbasshylyǵy qorynyń jobalyq dırektory Svetlana Bogatyrevanyń aıtýynsha, osy joba aıasynda Aslmaty, Astana, Qaraǵandy, Oral men Shymkentte oqytý konferensııalary ótedi.
Joba aıasynda tek iri qalalardaǵy ǵana emes, sonymen qatar shaǵyn qalalardaǵy keminde 500 áıelderdi kásipke tartý josparlanǵan.
