Sapary barysynda atalǵan túrkııalyq kásipkerler Shymkent qalasyndaǵy «Ońtústik» ındýstrıaldy aımaq pen arnaıy ekonomıkalyq aımaqtyń múmkindikterimen onda ornalasqan kásiporyndardyń jumysymen tanysqan bolatyn.
О́ńirde kásipkerlik salasynyń damyp jatqanyn alǵa tarqan túrik delegattary munan soń, jergilikti bıznesmendermen B2B formatynda kezdesti. Onda eki jaq aýyl sharýashylyǵyndaǵy jańa tehnologııalarǵa ınvestısııalar tartý men orta jáne shaǵyn bıznesti damytý jaıyn sóz etti.
Kásipkerlermen bolǵan betpe-bet kezdesýde qos tarap keptirilgen jemister jáne azyq-túlikke arnalǵan qaptama óndirý, jylyjaıǵa arnalǵan jabdyqtar shyǵaryp, ornatý, qurǵaq qurylys qospalar men boıaý ónimderin óndirý boıynsha birlesken jobalardy júzege asyrý týraly kelisimge keldi.
Aımaq basshysy kezdesýde oblystyń ekonomıkalyq áleýeti men kásipkerlerge kórsetilip jatqan memlekettik qoldaýlardy atap ótti.
«О́ńirdiń áleýmettik-ekonomıkalyq ahýalymen tanysyp, áleýetin baǵamdaýǵa kelgen delegasııa múshelerine alǵysym sheksiz. Ońtústikte sheteldik ınvestorlarǵa barlyq qolaıly jaǵdaılar jasalynyp otyr. Áleýeti zor 11 ınýdstrıaldy aımaǵymyz bar. Odan bólek aýyl sharýashylyǵy, qurylys salalarynda da birlesken jobalardy júzege asyrýǵa bolady. Eń bastysy – nıet túzý, baǵyt-baǵdar aıqyn, kásipkerlikti damytýda ashyqtyq bar» , - dedi ákim.
О́z kezeginde sóz alǵan túrik delegattarynyń top basshysy, «Antalııa» ındýstrıaldy aımaǵynyń bas dırektory Ilhan Metın Shymkent qalasynda ornalasqan ındýstrıaldy aımaqtardyń múmkindigi zor ekenin aıtyp, birlesken jobalardy júzege asyrýda ınvestısııa salýǵa nıetti ekenin jetkizdi.
Aıta keteıik, «Antalııa» ındýstrıaldy aımaǵy Túrkııadaǵy áleýetti 5 iri aımaqtyń biri sanalady. Aımaqta 8 salada jumys isteıtin eksporttyq ónim óndiretin iri kompanııalar shoǵyrlanǵan.
