17 jyldan beri Tokıo tehnologııalyq ýnıversıtetinde, Kanadadaǵy Vaterleo ýnıversıteti men Nazarbaev ýnıversıtetinde lıtıı-kúkirt akkýmýlıatoryn zertteýmen aınalysyp kele jatqan otandasymyz Jumabaı Bákenov jasaǵan ónimge qazirdiń ózinde Qazaqstan men Qytaı kompanııalarynan usynys túsip jatyr.
2013 jyly Nazarbaev ýnıversıtetiniń hımııa ınjenerligi ǵylymynyń professory, Batareıa ınstıtýtynyń negizin qalaýshysy jáne prezıdenti, tehnıka ǵylymdarynyń doktory (Japonııa), hımııa ǵylymdary salasynda PhD dárejeli ǵalymy (Qazaqstan ulttyq ǵylym akademııasy) Dúnıejúzilik bank pen QR Úkimetiniń kommersııalaý baǵdarlamasy boıynsha lıtıı-kúkirt akkýmýlıatorlaryn jasaý úshin 1,5 mln dollar grant jeńip alǵan.
Ǵalymnyń aıtýynsha, onyń jasaǵan akkýmýlıator basqaralarǵa qaraǵanda 5 ese syıymdy, qoldanýshy úshin de, ekologııalyq turǵydan da qaýipsiz jáne ózindik quny arzanǵa túsedi.
"Batareıanyń quny smartfon, noýtbýk pen ózge de gadjetterdiń ózindik qunynyń 30-35 paıyzyn quraıdy", - deıdi ǵalym.
Qazirgi tańda Bakenovtyń jetekshiligimen bir top ǵalym birneshe zerthanada jumys istep jatyr. Onyń biri Astanadaǵy Nazarbaev ýnıversıtetine qarasty "Astana ulttyq zerthanasyndaǵy" Akkýmýlıator ınstıtýty bolsa, endi biri Qytaıdaǵy Heıan qalasynda.
Qazirgi tańda jobanyń qunyn ǵalymdar 15 mle dollarǵa baǵalap otyr.
