Ol úshin qalanyń batys aımaǵynda arnaıy belgilengen jer telimderine qajetti ınjenerlik-kommýnıkasııalyq ınfraqurylym tartýdy aıaqtaý úshin ınfraqurylymdy damytý baǵdarlamasy aıasynda qazynadan 476,7 mıllıon teńge bólinip otyr. Atalǵan qarajatqa uzyndyǵy 14,2 shaqyrym káriz jelilerin, 29,4 shaqyrym elektr jelilerin salý josparlanýda.
Qurylys jumystarynyń bas merdigeri – «Qazbaılyq Astana» jaýapkershiligi shekteýli seriktestigi. Búgingi tańda 18,5 shaqyrym sý qubyry jáne 10 kVt elektr jelileri qurylysy tolyǵymen aıaqtaldy. Qazirgi ýaqytta jumys kestesi bekitilip, 0,4 kVt jelileriniń tireýlerin ornatý boıynsha jumystar atqarylyp jatyr.
Búginge deıin Jezqazǵan qalasy boıynsha jeke turǵyn úı qurylysyna jer telimderin alýǵa 2415 azamat ótinish bergen. Osy oraıda, barlyǵy 144 páterli tórt kóp qabatty turǵyn úıdiń qurylysyna qajet jobalyq-smetalyq qujat daıyndaýǵa 47,7 mıllıon teńge bólinip, merdiger iske kiriskenin aıta ketken jón. Atalǵan joba júzege asqan jaǵdaıda, memlekettik turǵyn úı qorynan baspana alý kezeginde turǵan 2002 azamattyń tizimi 1878 adamǵa qysqarmaq.
Darhan Muqan
Qaraǵandy oblysy,
Jezqazǵan qalasy
