Jas oryndaýshylardyń shyǵarmashylyǵyn, kásibı biliktiligin damytyp, jańa esimder anyqtaýdy maqsat etken baıqaýǵa Qazaqstan men Reseıdiń ár óńirinen 27 úmitker, 8 ansambl qatysty. Olardyń ónerin Reseı halyq ártisi, Voronej óner akademııasynyń professory Aleksandr Sklıarov bastaǵan qazylar alqasy baǵalady. Tórt kúnge sozylǵan óner dodasynda baıan-akkordeon aspaptarynda oryndaýshy ansamblder arasynda astanalyq «Allegro» ansambli jeńimpaz atandy.
Joǵary oqý oryndary arasynda «Astana» ansambli eń úzdik óner ujymy ataǵyn ıelendi. Al orta arnaıy oqý oryndaryndarynyń stýdentteri arasynda Pavlodar qalasynan kelgen Rýslan Nurlanov birinshi orynnyń tuǵyrynan kórindi. Joǵary oqý oryndarynyń stýdentteri arasynan bas júlde atyraýlyq Baýbek О́mirǵalıǵa berildi.
- Baıan-akkordeon aspaptarynda sheber oınaıtyn ónerli jandar az emes, biraq sońǵy kezde bul aspaptarǵa jetkilikti kóńil bólinbeı ketti. Mundaı baıqaýlar ónerpazdar arasyndaǵy baılanysty nyǵaıtyp, tájirıbe almasýlaryna múmkindik beredi, - deıdi N.Jantórın atyndaǵy oblystyq fılarmonııanyń dırektory Ǵadil Dúısenǵalıev.
Baqytgúl Babash,
«Egemen Qazaqstan».
Atyraý
