Vedomstvonyń habarlaýynsha, ShQO-da sý tasqynyna baılanysty «Semeı-Qaınar» 7-166 shaqyrym (27 shaqyrymdy sý basty) jolynda kóliktiń barlyq túrine jol jabyldy. Jolaýshylar ýchaskeni «Semeı-Qaraýyl» joly arqyly aınalyp ótedi.
Jańbyr jáne qardyń jappaı erýinen keı ózenderdegi sý deńgeıi únemi kóterilýde. Degenmen, jaǵdaı turaqty. ShQO TJD baspasóz qyzmetiniń habarlaýynsha, atalǵan departamenttiń jedel shtaby táýlik boıy kezekshilik júrgizedi.
Semeıdegi kúrdeli aýa raıy jaǵdaıynda «О́rt sóndirý jáne apatty qutqarý jumystary qyzmetiniń» kúshteri ótpe jol men jeke turǵyn úı aýmaqtaryndaǵy qar sýlarymen kúres júrgizýde. Jer asty sýlarynan 5 mekenjaıda jertóle men jer telimderin sý basý qaýpi týyndady. Semeıdiń 46 órt sóndirýshisi TShQ-men birlesip, barlyǵy 40 myń tekshe metr sý tartyp shyǵaryldy.
Sınoptıkterdiń aıtýynsha, ShQO-da jańbyr sýlarynyń tasý qaýpi áli saqtalady. Sý deńgeıi kóterilgen jaǵdaıda oblystyq Tótenshe jaǵdaılar departamenti turǵyndardy 112 nómirine habarlaýdy suraıdy.
