Baspasóz qyzmetiniń málimetinshe, Pavlodar oblysyndaǵy ortalyq "Máshhúr Júsip" meshitiniń ımamdary 14 naýryzdan bastap vatsap jelisi arqyly "Suraǵym bar.pvl" tobyn ashyp, dinı suraqtar men qosa jastar ómirine qatysty máselelerge jaýap berýdi qolǵa aldy.
"Dál búgingi kúni "Suraǵym bar.pvl" atty vatsap jelisinde meshit ımamdary, naıb ımamdar, azanshylar, ustazdardan quralǵan 96 qatysýshy bar. Olar arqyly 2 aptanyń ishinde jelige aqıda, qarym-qatynas, otbasy quqyǵy, meshit isterine qatysty 105 suraq kelip túsip, ımamdardan tıisti jaýaptaryn alýda. "Suraǵym bar.pvl" tobynyń ákimshisi jáne suraqtarǵa jaýap berýshi maman - "Máshhúr Júsip" ortalyq meshitiniń naıb ımamy, medrese ustazy Hasan Amanqulov", - dep habarlady meshittiń baspasóz qyzmetindegiler.
Sondaı-aq, baspasóz qyzmetiniń málimetinshe, Pavlodar oblysy boıynsha 128 dinı qyzmetker jumys isteıdi.
"Olardyń bilim deńgeıi de, tájirıbesi de ártúrli. Imam-moldalar jáne jamaǵat tarapynan, ásirese jastardan kúndelikti túsip jatqan suraqtar óte kóp.Bul istiń negizgi maqsaty óńirimizdegi ımam-moldalardyń bilimin kóterý, jastardy jat aǵymdardan saqtandyrý jáne monıtorıng jasap, izdenis baǵytyn anyqtap, bolashaqta jergilikti ımamdarǵa naqty máseleler boıynsha semınarlar uıymdastyrý bolmaq. Keıinnen suraq-jaýaptardy jınaqtap, kitapsha shyǵarýdy uıǵaryp otyrmyz", - dedi ókil ımam Narıman Ermekuly.
