Demeýshilerdiń qarajaty esebinen salynǵan jańa keshen 550 orynǵa arnalǵan. 9333 sharshy metrdi quraıtyn alańda fýtbol, basketbol, voleıbol zaldary, sondaı-aq, jekpe-jek pen jeńil atletıkaǵa arnalǵan zaldar bar.
Búginde Mańǵystaý oblysynyń 25% halqy, ıaǵnı 158 250 adam dene shynyqtyrýmen jáne sportpen aınalysady. 12 myń bala 18 balalar men jasóspirimder sport mektebine tegin qatysady. 569 sport ǵımaratynyń 260-y aýyldyq jerlerde ornalasqan.
2016 jyly 14 jańa nysan iske qosyldy. Osy jyly «Mańǵystaý-Arena» sport saraıy men Aqtaý qalasyndaǵy «Batyr» sport kesheniniń qurylysy aıaqtaldy. Aldaǵy ýaqytta taǵy da bes nysannyń qurylysy bastalady. Qazaqstan Respýblıkasynyń Prezıdenti Nursultan Nazarbaev Mańǵystaý oblysynyń jastarymen jáne sportshylarymen kezdesip, olardyń oqýlaryna sáttilik tiledi, delingen habarlamada.
Gúlaıym Shyntemirqyzy,
«Egemen Qazaqstan».
Mańǵystaý oblysy
