Adaldyq adastyrmaıdy
«Sabyrly, optımıst, joǵary energetıkalyq deńgeıde ómir súretin bir adam energııasy tómen, negatıvti 9 myń adamnyń jamandyǵyn basyp otyrady eken. Júreginde adal mahabbaty bar, shyn meıirimdi bir adam kúsh-qýaty tómen 750 myń adamnyń jamanshylyǵyn jaqsartyp, basyp otyrady. Janynda sheksiz tynyshtyq, rýhanı saýatty, qaıyrymdy bir adam jer betindegi 10 mln tómen deńgeıdegi adamnyń negatıvin joǵaltyp otyrady. Álemde qazir ondaı 22 danyshpan adam bar», degen derekti oqydym. Sondaı-aq, materıaldyq dúnıeden azat, aq nıetti bir adam dúnıe júzindegi nashar energetıkamen ǵumyr keship jatqan 70 mln adamnyń olqy tustaryn toltyryp otyratyn kórinedi. Jer beti aq nıetti adamdardyń arqasynda aman tur. Dúnıeni jaqsartýǵa, jamandyqty alys qylyp, izgilikti jaqyndatýǵa biz de atsalysaıyq.
Qyzdardyń qateligi
Qyzdar ádette turmysqa shyqqan soń bosańsyp ketedi. Symbatyna, kórkine kóńil bólmeıdi. Oqý bitirip, turmysqa shyqqan jas qyz sol deńgeıinde qalyp qoıady. Al eri jumys isteıdi, ortamen aralasady, kórgen-bilgeni kóbeıedi, ósedi. Sóıtip jubaılardyń ortasynda ortaq áńgime azaıyp, alshaqtyq paıda bolady. Sondyqtan áıel adam úıde otyryp-aq shet tilin úırensin, semınarlarǵa qatyssyn, jańa hobbı tapsyn. Artyq salmaq bolsa, onymen kúressin, áıteýir erinbesin.
Ekinshi qatelik – bizdiń qyz-kelinshekter kú-
ıeýimen baqytty ómir súrý úshin eńbektenbeıdi. Kúıeýge tıip alyp, «boldy, ol óle-ólgenshe meniki» degen túsinikpen júre beredi. Básekege qabiletti jar bolý úshin «janyp turý» kerek. Er adamdar áıelderdiń ózderine kóńil bólgenin qalaıdy. Sondyqtan hanymdar úıdegi erine erkelep, onyń árbir tyndyrǵan isine rıza bolyp, bolmashy jetistikterine shyn qýana bilýi tıis.
О́zgeristi ózińnen basta
«Kúıeýden ajyrasqanmyn. Jasym otyz beste, bir balam bar. Turmys quryp, jaqsy otbasy bolǵym keledi. Osy ýaqytqa deıin biraz jigitter kezdesti, biraq úılený týraly áńgime bolmady. Jolym bolmaı júr» – degen hat keldi. Otyz jastan keıin adamnyń ómir-ózende erkin júzýi qıyndaı bastaıdy, taǵdyr tuzaǵynan aıaq alysy aýyrlaıtyn kez bolady eken. «Karma» degen túsinik bar. Qazaqsha túsindirsem, kúnálar jıyntyǵynyń adam ómirine áseri. Ol sharapat bolyp tıe me, kesepat bolyp jabysa ma, beımálim. Sol úshin únemi jan dúnıeńizdi tazalap otyrý kerek. Adam rýhanı ósken saıyn nıeti túzelip, júregi jumsarǵan saıyn, jaqsy bola bergen saıyn kúnálary keshirilip, karmasy tazarady. Ár adam ishteı óziniń qandaı ekenin biledi. Syrtyńnan jaqsymyn dep jar salǵanyńmen, kemshilikterińdi ishteı moıyndap turasyń. Ishteı de, syrttaı da keremet jan bolǵanǵa ne jetsin? Jaqsy qasıetterdi boıyńa sińirgende ǵana jolyń ashylyp, aldyńnan ǵajap adamdar shyǵatyn bolady.
2000 jyldary ezoterıkany jańa zerttep, tanysa bastaǵan jyldary vızýalızasııa ádisin kóp qoldandym. Bala-shaǵa qamymen úıde, eshqandaı bıznes týraly oı joq kezde, psıhologtar aıtatyn «óz-ózine kóńili tolmaý» «kompleks», «ózińdi kinálaı berý» degenderge shomylyp júrgen kezde bolashaq Quralaıdyń ádemi sýretin elestetetinmin. Ol sýrette Quralaı appaq ton kıip, aq ádemi bórikte, appaq kólikte súıkimdi kúlimdep qarap turatyn. Qınalǵan kezderde júregimniń túbindegi sol sulý Quralaıdy alyp shyǵyp, kúnderdiń kúni armanyma jeterime senetinmin. Qazir mende sonyń bári bar. Jan dúnıemdegi úılesimdiliktiń arqasynda men sol aq kóliktegi ádemi Quralaıdyń deńgeıine jettim. Jerdiń bir shetinde jylap otyryp hat jazatyn qyzdarǵa aıtqym keledi: «О́zińniń eń kúshti modelińdi jasap shyǵara alasyń!».
Báleniń bári jaman oıdan
Er adamda «otbasymdy tastaımyn» degen oı bolmaıdy. Jaman oı birinshi áıeldiń basyna keledi, al erkek ony ispen dáleldeıdi eken. Mysaly, «osy jigit meniń teńim emes, nege qudaı maǵan osyndaı kúıeý bergen?» dep oılap, sanańda baıaǵyda jaqsy kórgen jigitti onymen salystyryp júrseń, kúıeýiń basqa bireýge ketýge daıyndalady. Sen oısha qydyrtsań, ol ispen kórsetedi. Sondyqtan, qyzdar, aldymen óz oıymyzdy, sanamyzdy tazalaıyq. Bizde bári jaqsy bolatynyna shynaıy seneıik. Senim – uly kúsh.
Jazyp alǵan
Baqytgúl BABASh,
«Egemen Qazaqstan»
ATYRAÝ
