Bul jańa ambısııalyq baǵdarlama qazaqstandyq startaptardyń sapasy men olardyń bolashaǵyna, ásirese, jastar jobasyna qatysty ózekti máselelerdi sheshýge baǵyttalǵan.
Smart Zholy jobasynyń 10 fınalısi ózderiniń ınnovasııalyq jobasyn Sıngapýrde bolatyn eki aptalyq baǵdarlama aıasynda álemniń jetekshi tehnologııalyq habynda azııalyq iri korporasııalar men venchýrlyq qorlardyń aldyna usyna alady.
Smart Zholy baǵdarlamasynyń jeńimpazdary álemdik deńgeıdegi sarapshylardyń tikeleı jetekshiligimen jańa jobalar ázirleıdi. Qazaqstandyq komandalar sıngapýrlyq startap-ekojúıesiniń ortalyǵy – ataqty Block 71-de ornalasady. Olar oralǵannan keıin ózderiniń ozyq tájirıbesin eldiń startap-ekojúıesine engizedi.
Smart Zholy baǵdarlamasy Ońtústik Azııadaǵy Echelon Asia Summit jetekshi startap-alańynda áriptestik negizde júzege asyrylady.
– Atalǵan jobany iske asyrý jastardyń startaptaryn tek qana Qazaqstanǵa emes, álemdik naryqqa shyǵarý, Memleket basshysynyń Joldaýynda qoıylǵan ekonomıkany jedel jańǵyrtý jáne sıfrlyq ekonomıka qurý mindetin oryndaı otyryp, Astanany tehnologııalyq kartadaǵy jańa núkte retinde kórsete bilý, – deıdi atqarýshy dırektory Qanat Jumabaev.
Baǵdarlamaǵa qatysý úshin 2017 jyldyń 12 sáýirine deıin ótinim berý qajet. Baǵdarlama týraly aqparat jáne ótinim nysany www.fpp.kz. saıtynda ornalastyrylǵan.
Qazaqstan Respýblıkasy Tuńǵysh Prezıdenti – Elbasynyń Qory atalǵan baǵdarlamanyń 10 fınalısiniń qarjylyq shyǵynyn óteıdi.
Joldybaı BAZAR,
«Egemen Qazaqstan»
