Taraptar ınvestısııalyq, saýda-ekonomıkalyq salalar jáne qalany odan ári damytý boıynsha yntymaqtastyq máselelerin talqylady, dep habarlaıdy qalalyq ákimdiktiń baspasóz qyzmeti.
«Tokıo meri Almatyda ótken dúnıejúzilik qysqy Ýnıversıadanyń joǵary deńgeıin erekshe atap ótti jáne Astanada bolatyn Halyqaralyq EXPO-2017 kórmesine tabys tiledi», - delingen habarlamada.
«Men Almatyda bolǵanmyn, qala maǵan erekshe unady. Sizdiń bul saparyńyz ózara yntymaqtastyqty odan ári nyǵaıtýǵa jańa serpilis beredi degen oıdamyn», - dep atap ótti Iý.Koıke.
«Tokyo Seiko MFG» kompanııasy basqarmasynyń tóraǵasy Shıgeto Tanakamen bolǵan kezdesýde Alataý aýdanyndaǵy Indýstrıaldy aımaqta ornalasqan «Tokyo Rope Almaty» metız zaýytyn salý jónindegi jobanyń ekinshi kezegin júzege asyrý máseleleri talqylandy.
«Tokyo Rope» kompanııasynyń Almatyda bolat ónimderin shyǵarýmen aınalysatyn alǵashqy japondyq zaýyty ótken jyldyń qarasha aıynda QR Prezıdenti N. Á. Nazarbaevtyń qatysýymen ótken telekópir barysynda Japonııadan iske qosylǵan edi.
Álemdik reıtıngte 10 úzdik bankter qataryna engen «The Bank of Tokyo-Mitsubishi UFG» basshylyǵymen kezdesý barysynda Baýyrjan Baıbek Almatyda birikken jobalardy júzege asyrýǵa iri qarjy konglomeratynyń qoldaıtyndyǵyna senim bildirdi.
Jol qozǵalysyn basqaratyn Tokıo Ortalyǵynda bolǵannan soń «Smart sıtı» jobasy aıasynda Almatynyń damý Ortalyǵy qala trafıgin basqarýdyń osyǵan uqsas ortalyǵyn qurý úshin saraptamalyq esepteýler júrgizedi.
О́z kezeginde «Almaty Sý» holdıngi «YYS International Pte» kompanııasymen birge sýdy tazartýdyń koagýlıantty granýl júıesin júzege asyrady.
Qalalyq ákimdiktiń baspasóz qyzmetiniń habarlaýynsha, Almaty delegasııasy jumys sapary barysynda saýda, ınvestısııa, qyzmet kórsetý boıynsha álemdegi eń tanymal korporasııalardyń biri «Mitsui&Co.» ofısinde boldy, sonymen qatar «Shimizu» seısmologııalyq kompanııasy zertteý ortalyǵynyń jumysymen tanysty.
