Qazirgi ýaqytta elorda aýmaǵynda jaýapkershiliktiń 1-2 deńgeıindegi tehnıkalyq jáne tehnologııalyq kúrdeli obektilerde tehnıkalyq qadaǵalaý boıynsha ınjınırıngtik qyzmetter kórsetýmen akkredıttelgen 101 uıym aınalysady, olardyń quramynda akkredıttelgen 442 maman bar. Bul týraly Astana qalasynyń ákimdigindegi keńeıtilgen otyrysta Astana q. Memlekettik sáýlet-qurylys baqylaý basqarmasynyń basshysy Tólegen Qulyshev habarlady.
Vedomstvo basshysynyń málimetterine sáıkes, ústimizdegi jyldyń alǵashqy alty aıynyń jáne 2016 jyldyń qorytyndysy boıynsha, basqarma tehnologııalyq qadaǵalaý boıynsha 31 sarapshyny ákimshilik jaýapkershilikke tartyp, olarǵa 6 aı merzimge tehnıkalyq qadaǵalaý júrgizý quqyǵyna sarapshy attestatynyń kúshin ýaqytsha toqtatýmen 200 AEK kóleminde aıyppul salyndy.
Otyrystyń jumysyna Astana q. ákiminiń birinshi orynbasary Sergeı Horoshýn, jáne qurylys obektilerin tehnıkalyq qadaǵalý jáne baqylaý jónindegi táýelsiz sarapshylar qatysty.
«Tehnıkalyq qadaǵalaý jónindegi sarapshylar qurylys uıymdarynyń sáýlet, qala qurylysy salasynda jáne qurylys qyzmetinde bekitilgen barlyq qurylys talaptaryn saqtaýyn qamtamasyz etedi, sonyń ishinde, oryndalǵan jumystardyń sapasy, merzimi, quny, olardy qabyldaý jáne nysandardy paıdalanýǵa tapsyrý kiredi. Alaıda búgingi kúni bul mindetterdi sarapshylardyń barlyǵy tıisti deńgeıde oryndap otyrǵan joq», - dep málim etti Sergeı Horoshýn.
Horoshýnnyń pikirinshe, tájirıbe kórsetip otyrǵandaı, tehnıkalyq qadaǵalaýda kezdesetin negizgi buzýshylyqtar jobany iske asyrýdyń barlyq kezeńderinde qurylys-montaj jumystarynyń barysyna tıisti baqylaýdyń joqtyǵy, tehnıkalyq qadaǵalaý jýrnalyn durys júrgizbeý jáne nysan qurylysynyń jaǵdaıy men barysy týraly esepti aı saıyn tapsyrmaý bolyp tabylady. Sonymen birge, qurylys nysany aıaqtalǵan kezde tapsyrys berýshige (qurylys salýshyǵa) sáýlet-qurylys normalaryna sáıkes kelmeıtin qurylys-montaj jumystarynyń sapasy týraly oń qorytyndy shyǵaryp berý faktileri bar. Osynyń nátıjesinde atalǵan buzýshylyqtar sapasyz kóterilgen nysandardy paıdalaný kezinde áleýetti túrde qaýip tóndiredi. Atap aıtqanda, sońǵy ýaqytta qurylys-montaj jumystaryn júrgizý barysynda konstrýksııalardyń qulaýy jáne bekitpe qalyptardyń úzilýi sııaqty oqıǵalar jıilep ketti.
Alaıda tehnıkalyq qadaǵalaý jónindegi sarapshylar qurylys alańdarynyń jaǵdaıyna nazar aýdarmaıdy. Atap aıtqanda, qorshaýlardyń talapqa saı kelmeýi, kólik quraldarynyń dóńgelekterin jýatyn oryndardyń joqtyǵy, qurylys alańdarynyń aýmaǵynda qurylys qoqystarynyń úıilýi. Osylaısha, «Qurylys óndirisi. Kásiporyndardyń, ǵımarattardyń jáne qurylystardyń qurylysyn uıymdastyrý» QR abattandyrý erejeleri jáne sanıtarlyq normalarynyń talaptary saqtalmaı otyr.
«Sáýlet, qala qurylysy jáne qurylys qyzmeti týraly zańnamaǵa sáıkes, atalǵan buzýshylyqtar úshin merdiger uıymdar da, tehnıkalyq qadaǵalaý sarapshylary da jaýapty. Merdigerdiń nemese bas merdigerdiń talaptardy oryndamaý nemese tıisti oryndamaý jaǵdaıynda, bul málimetterdi birden tapsyrys berýshige jáne basqarmaǵa habarlaýdy suraımyn», dep málim etti QR Investısııalar jáne damý mınıstrliginiń qurylys isteri jónindegi bas sarapshysy Arnold Lı .
«EKSPO-2017 halyqaralyq kórmesi qarsańynda jáne qıraýǵa ushyraý jáne t.b. oqıǵalardy boldyrmaý maqsatynda basqarma tehnıkalyq qadaǵalaý sarapshylarynyń qyzmetin qatań baqylaýǵa alady, tipti attestasııasynan jáne qurylys uıymynyń lısenzııasynan aıyrýǵa deıin sharalar qabyldanatyn bolady», - dep sendirdi Sergeı Horoshýn.
Sondaı-aq, tehnıkalyq qadaǵalaý sarapshylaryna qurylysy júrip jatqan barlyq nysandarda qurylys normalaryna sáıkestik boıynsha tekserý júrgizip, belgilengen talaptardy buzý jaǵdaılary anyqtalyp jatsa, olardy qysqa merzimde joıý týraly nusqaý berý tapsyryldy. Osy rette kórme qarsańynda EKSPO nysandaryna erekshe nazar aýdary mańyzdylyǵy aıtyldy.
Sonymen birge, Astana qalasy ákiminiń birinshi orynbasary tehnıkalyq qadaǵalaý sarapshylarynyń barlyǵyna ózderine artylǵan mindetterdi tıisti oryndaýdy jáne qurylys nysandaryna qatań baqylaý júrgizýdi tapsyrdy. Sarapshylardyń óz qyzmetterin durys oryndamaý faktileri anyqtalǵan jaǵdaıda, Qylmystyq kodeks talaptaryna sáıkes shara qabyldanady.
Otyrystyń qorytyndysy boıynsha Sergeı Horoshýn tehqadaǵalaý sarapshylarymen ár toqsan saıyn keńester ótkiziletinin habarlady. Ol jıyndarda sarapshylardyń atalǵan baǵyttaǵy jumysty jaqsartý boıynsha usynystary tyńdalyp, komıtetpen birge bar máselelerdi joıý boýynsha sharalar qabyldanatyn bolady.
