Taraptar saýda –ekonomı kalyq jáne mádenı baılanystar týraly áńimelesti. Marko Passalııa óziniń sózinde ótken jyldyń mamyr aıynda Almaty men Lýgano arasyndaǵy Memorandýmǵa qol qoıýdyń ózara yntymaqtastyqty odan ári nyǵaıta túskenin aıtty.
«Biz TQQ-dy qaıta óńdeý, elektrenergııasy júıesiniń tıimdiligin arttyrý jáne birqatar mádenı- týrıstik baǵyttaǵy naqtyly jobalardy júzege asyrý máselelerin talqylaý úshin keldik. О́zara yntymaqtastyq aýqymyn edáýir keńeıte alamyz dep oılaımyn», - dedi M.Passalııa.
Astanada ótetin Halyqaralyq EKSPO-2017 kórmesine Shveısarııanyń birneshe energetıkalyq kompanııalary qatysatyndyǵyn jetkizdi.
«Jalpy, bul biz úshin mańyzdy qadam ári Almaty boıynsha birqatar jobalardy talqylaýǵa keń múmkindik ashady», - dep atap ótti Tıchıno kantony Saýda- ónerkásiptik palatasy dırektorynyń orynbasary.
Shveısarııa delegasııasyn qabyldaý barysynda Indýstrıaldy aımaq pen «ITP»AEA- da sheteldik kompanııalardyń óndiristik áleýetin kóteretin múmkindikterdiń bári jasalǵandyǵy aıtyldy. Megapolıs ákimi shveısarlyq týrıstik kompanııalardy 19-21 sáýir aralyǵynda Almatyda ótetin «Týrızm jáne sapar» dep atalatyn KITF halyqaralyq kórmesine qatysýǵa shaqyrdy.
