– Osy kezdesý barysynda aımaqtaǵy memleketterdiń ózara yntymaqtastyǵynyń jaı-kúıi talqylandy. Birlesken juamystardy odan ári jalǵastyrý sharalary da nazarǵa alyndy. Kezdesýge qatysýshylar qazirgi tańda oryn alyp otyrǵan daǵdarystardyń shıelenisýi men jańa qaýip-qaterler paıda bolyp jatqanda Shanhaı yntymaqtastyq uıymynyń róli arta túsetinin erekshe atap ótti, – dedi Vladımır Jumaqanov.
Qaýipsizdik keńesteri hatshylary osy kezdesýde terrorızm, separatızm, ekstremızm, transulttyq uıymdasqan qylmys, zańsyz kóshi-qon, qarý-jaraq pen esirtki aınalymyna qarsy baǵyttalǵan sharalardy odan ári jalǵastyrý týraly ýaǵdalasty.
ShYU bas hatshysy Rashıd Alımov Qazaqstannyń osy uıymdy nyǵaıtýǵa zor úles qosyp kele jatqanyn atap aıtty.
– Shanhaı yntymaqtastyq uıymy keńistigindegi qaýipsizdik deńgeıi aıtarlyqtaı joǵary. Bul – uıymǵa múshe memleketterdiń belsendi ári birlesken jumys-
tarynyń nátıjesi dep sanaımyn. Sonyń arqasynda qazirgi tańda ShYU syrtqy qaýip-qaterlerdiń ishke enip ketýine jol bermeı, oǵan laıyqty tosqaýyl qoıyp otyr. Biz Qazaqstannyń tóraǵalyǵymen osy tetiktiń tıimdi jumys istep turǵanyn aıqyn kórip otyrmyz, – dedi Rashıd Alımov.
Bas hatshy aıtyp ótkendeı, ShYU-nyń basqa da halyqaralyq uıymdarmen aradaǵy yntymaqtastyq baılanystary nyǵaıyp keledi. Ásirese, Birikken Ulttar Uıymymen qarym-qatynas kúsheıip kele jatqanyn atap ótken jón. Qazaqstannyń bul baǵyttaǵy jumystaryn BUU Bas Assambleıasy da joǵary baǵalaǵan bolatyn.
Arnur ASQAR,
«Egemen Qazaqstan»
