«ShYU ókilderinen quralǵan delegasııa kórmedegi ózderine tıesili oryndardy tamashalap, ondaǵy jumystarǵa oń baǵasyn bergenin aıtýymyz kerek. Olar Biryńǵaı qyzmet kórsetý ortalyǵyna da at basyn buryp, kórsetiletin servısterdiń baǵyt-baǵdaryn da kózderimen kórdi. Munda kóshi-qondy tirkeý, salyqtardy qadaǵalaý sııaqty birneshe memlekettik qyzmetter kórsetiledi. Jumys barysy zaman talabyna saı – «bir tereze» qaǵıdatymen júzege asyrylady», dedi «Astana EKSPO-2017» UK» AQ Servıstik qamtamasyz etý departamentiniń dırektory Dıas Ázbergenov.
Kompanııa ókiliniń aıtýynsha, EKSPO-2017 halyqaralyq sharasyna qatysýǵa kelisimderin rastaǵan 115 memleket pavılondaryn kerek-jabdyqtarmen qamtamasyz etýde. Búginge deıin qalashyqqa 650 tonnadan astam júk túsirilgen. Al qatysýshy memleketter enshisine tıgen oryndarǵa jáne Qazaqstan tarapynan jasalǵan qyzmettik jaǵdaılarǵa rızashylyqtaryn bildirýde.
Ashat RAIQUL,
«Egemen Qazaqstan»
