Bizdiń bul máseleni qozǵaýymyzǵa óńirlerde bolyp, saılaýshylarmen kezdesýler ótkizgen kezde olardyń elimizdiń tarıhynyń mańyzdy máselelerin kótergendigi sebep boldy. Adamdardy qazir tek ekonomıkanyń jaǵdaıy ǵana qyzyqtyrmaıdy, sonymen birge, olar tarıhı murany saqtaýǵa da múddelilik tanytyp otyr. О́tken ǵasyrdyń otyzynshy jyldaryndaǵy jappaı saıası qýǵyn-súrginniń saldarynan ultymyzdyń kóptegen saıası qaıratkerleri men zııaly qaýymnyń tańdaýly ókilderi «halyq jaýy» degen jalamen atylyp ketti jáne uzaq merzimge bas bostandyqtarynan aıyryldy.
Mine, osyndaı qıly zamanda qazaq halqy taǵdyr tálkegimen Qazaqstanǵa kelip bas saýǵalaǵan basqa etnos ókilderine shynaıy qaıyrymdylyq kórsetip, olardyń ulttyq mádenıetine, salt-dástúrine toleranttylyqpen qarap, óz boıyndaǵy ǵajap gýmanıstik qasıetterdi aıqyn tanytty. Endeshe, osy aıtylǵan jaılardyń negizinde, «Máńgilik El» patrıottyq aktisine sáıkes jalpyulttyq birlikti nyǵaıtý, qazaqstandyq patrıotızmdi qalyptastyrý jáne ortaq tarıhı muramyzdy nasıhattaý maqsatynda Mádenıet jáne sport, Din isteri jáne azamattyq qoǵam, Bilim jáne ǵylym, Aqparat jáne kommýnıkasııalar mınıstrlikterine, Astana jáne Almaty qalalary men oblystardyń ákimdikterine tómendegideı qoǵamdyq-saıası sharalardy ótkizý týraly tapsyrma berilýin usynamyz:
– ústimizdegi jyly HH ǵasyrdyń 30-40-jyldaryndaǵy jappaı saıası qýǵyn-súrginniń bastalǵanyna 80 jyl tolýyna arnalǵan ǵylymı-praktıkalyq konferensııalar uıymdastyrý;
– bilim berý mekemelerinde asharshylyq jáne jappaı saıası qýǵyn-súrginnen zardap shekken adamdarmen kezdesýler jáne ashyq sabaqtar ótkizý;
– jappaı saıası qýǵyn-súrgin qurbandarynyń esimderin máńgi este qaldyrýǵa baılanysty onomastıkalyq jumysty jandandyrý jáne olarǵa arnalǵan memorıaldar men eskertkishter ornatý jumystaryn jalǵastyrý;
– kitaphanalarda jappaı saıası qýǵyn-súrginnen zardap shekken adamdardyń qatysýymen oqyrmandar konferensııalaryn, atalǵan taqyryp boıynsha mýzeılerde kórmeler uıymdastyrý, kınoteatrlarda kórkem jáne derekti fılmderdi kórsetý, teatrlarda pesalardy sahnalaý;
– oqýshy jáne stýdent jastardyń «ALJIR» saıası qýǵyn-súrgin jáne totalıtarızm qurbandaryna arnalǵan mýzeı-memorıaldyq keshenine jáne basqa mýzeılerge, sondaı-aq, jappaı saıası qýǵyn-súrginge qatysty tarıhı oryndarǵa ekskýrsııalaryn uıymdastyrý;
– memlekettik tapsyrysty oryndaıtyn buqaralyq aqparat quraldarynda jappaı saıası qýǵyn-súrgin jáne odan qurban bolǵandar men zardap shekkender týraly teleradıohabarlar men jarııalanymdar daıyndaý kerek.
Káribaı MUSYRMAN,
Májilis depýtaty
