Kanadanyń Monreal qalasynda ótken keshte qos boksshy alǵash bolyp sharshy alańǵa shyqty. Jekpe-jek alty raýndqa eseptelgen.
Aıqas bastala salysymen otandasymyz shabýylǵa umtylyp, meksıkalyqty qyspaqqa alýmen boldy. Birinshi raýndta-aq qarsylasyn eki márte nokdaýnǵa túsirdi. Ekinshi raýndta osy kórsetkishin qaıtalady. Abylaıhannyń kezekti soqqylarynan keıin Krıstıan tórtinshi ret nokdaýn alyp, ornyn kóterile almaı qaldy.
25 jastaǵy Qusaıynov osymen altynshy jekpe-jegin ótkizip, bárinde jeńiske jetti. Onyń beseýin merziminen buryn aıaqtady. Kásipqoı boksta debıýtin 2015 jyly Qytaıda ótkizse, qalǵany Kanadada uıymdastyryldy. Al 30 jastaǵy Arrazola 13 jekpe-jeginde ese jiberip otyr. Sondaı-aq, 23 ret jeńiske jetip (16 nokaýt), ekeýinde teń túsken.
Aıta keteıik, Monrealdaǵy boks keshiniń basty jekpe-jeginde birinshi jartylaı orta salmaqtaǵy qazaqstandyq Batyr Júkembaev meksıkalyq Kosmen Rıverany jeńip, IBO International belbeýiniń ıegeri atandy.
