Álııa men Mánshúktiń óshpes erligin qasterleý men úlgi tutý maqsatyn kózdegen týrnır – «Mergen arý-2017» ataýyn ıelengen. Jarysqa qatysýshylarǵa komandalyq esep jáne nysana kózdep atýdan jekeleı alǵa shyqqandar boıynsha arnaıy marapattar tapsyryldy. Birinshi oryndy shyǵysqazaqstandyq oqýshy qyzdar jeńip alsa, ekinshi orynǵa Qaraǵandy oblysynyń jas mergen arýlary kóterildi. Al úshinshi oryn olardyń aqtóbelik qurbylarynyń enshisine tıdi.
– Bul respýblıkalyq týrnır eń aldymen erlikke toly dástúrlerimiz ben dańqty tarıhymyzdy taǵy bir jańǵyrtý turǵysynan mándi boldy dep sanaımyz. Egemen elimizde dúnıege kelip, tárbıe alyp, oqyp júrgen búgingi qyzǵaldaqtaı qyzdarymyz Álııa men Mánshúk apalaryna qarap boı túzese, oı túzese alǵa qoıǵan maqsatymyzdyń oryndalǵany. Biz respýblıkalyq týrnır kezinde olardyń boıynan batyr apalaryna tán bolǵan namysqoılyq pen órlikti, óz Otanyna degen sheksiz súıispenshilik sezimderin kórgende kádimgideı rıza boldyq. Qysqasy, týrnır óziniń aldyna qoıǵan maqsatyn tolyǵymen oryndap shyqqany anyq, – dedi Aqtóbe oblystyq bilim basqarmasynyń basshysy Sáýle О́mirbekova.
Temir QUSAIYN,
«Egemen Qazaqstan»
Aqtóbe oblysy
