Olar ózderi qyzmet etetin mýzeı týraly beınekórinisti qorǵaý, erkin taqyrypta ekskýrsııa júrgizý, taqyryptyq tapsyrmaǵa jaýap berý syndy baıqaý sharttaryn oryndady.
«Mundaı shara birinshi ret uıymdastyrylyp otyr, – deıdi oblystyq tarıhı-ólketaný mýzeıiniń basshysy Rashıda Harıpova. – EKSPO-2017 halyqaralyq kórmesi qarsańynda uıymdastyrylǵan baıqaýǵa qatysýshylar kásibı biliktilikterin kórsetti».
Qazylar alqasy oblystyq tarıhı-ólketaný mýzeıiniń mamany Dınara Bısembaevany «Úzdik ekskýrsııa júrgizýshisi» dep tanydy.
Birinshi orynǵa Mahambet aýdanynan kelgen Aıdana Múrsalımova ıe boldy. Ekinshi oryndy «Han ordaly Saraıshyq» kesheniniń qyzmetkeri Janar Dııarova, Sh.Sarıev atyndaǵy kórkemsýret mýzeıiniń namysyn qorǵaǵan Kámshat Toǵaevalar ıelendi. Úshinshi oryndy Isataı, Inder, Qyzylqoǵa aýdandyq tarıhı-ólketaný mýzeıiniń ekskýrsııa júrgizýshileri Móldir Turalıeva, Zəýresh Ospanova, Nurjamal Rahmetovalar enshiledi.
Al Qurmanǵazy aýdandyq tarıhı-ólketaný mýzeıiniń ekskýrsııa júrgizýshisi Aqmaral Musaǵalıeva – «Ult janashyry», Jylyoı aýdandyq «Atamura» mýzeıiniń ekskýrsııa júrgizýshisi Gúlnar Qojahmetova «Kórermen kózaıymy» atandy.
Baqytgúl BABASh,
«Egemen Qazaqstan».
ATYRAÝ
