Maqalada Elbasy eń basty maqsat «álemdegi eń damyǵan 30 eldiń qataryna qosylý úshin bizdiń sanamyz isimizden ozyp júrýi, ıaǵnı odan buryn jańǵyryp otyrýy tıis» ekendigin atap ótip, ár qazaqstandyqty óz salasy boıynsha naqty jumys jasaýǵa shaqyrady.
«Bolashaqta ulttyń tabysty bolýy onyń tabıǵı baılyǵymen emes, adamdarynyń básekelikke qabiletimen aıqyndalady. Sondyqtan, árbir qazaqstandyq, sol arqyly tutas ult HHI ǵasyrǵa laıyqty qasıetterge ıe bolýy kerek» degen Prezıdent, biz ómir súrip jatqan zamanda kompıýterlik saýattylyqtyń, kóp til bilýdiń mańyzdylyǵyna toqtalady. Eń bastysy, rýhanı jańǵyrý úshin «Ulttyq salt-
dástúrlerimiz, tilimiz ben mýzykamyz, ádebıetimiz, joralǵylarymyz, bir sózben aıtqanda ulttyq rýhymyz bo-
ıymyzda máńgi qalýǵa tıis», deıdi Nursultan Nazarbaev.
Maqalada sondaı-aq basty maqsatqa jetý úshin Qazaqstanǵa bilimdi urpaq qajettigin, elimizde «bilim árdaıym birinshi orynda turýy shart», «О́zimdiki ǵana tańsyq, ózgeniki – qańsyq» dep keri tartpaı, ashyq bolý, basqalardyń eń ozyq jetistikterin qabyldaı bilý, bul – tabystyń kilti, ári ashyq zerdeniń basty kórsetkishteriniń biri» ekendigin aıtady Prezıdent. Elbasy rýhanı jańǵyrýdy júzege asyrýǵa jol ashatyn birneshe jobany usynady. Onyń ishinde qazaq tilin birtindep latyn álipbıine kóshirý, «Jańa gýmanıtarlyq bilim. Qazaq tilindegi 100 jańa oqýlyq», «Týǵan jer», «Qazaqstannyń qasıetti rýhanı qundylyqtary», mádenı qazynalardy álem
jurtshylyǵyna tanystyrýdyń múldem jańa tásilderin oılastyrý máseleleri bar.
Rýslan Toktahýnov,
Q.Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatrynyń dırektory
