Uıym aıasyndaǵy yntymaqtastyq nyǵaıady

Eń aldymen «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyq­tyrý­lar engizý tý­raly» zań jobasyn birinshi oqylym­da tanys­tyrý úshin sóz keze­gi  Májilis depýtaty Ýá­l­ı­­han Qaınazarovqa usy­nyl­­dy. Ol atalǵan qu­jat­t­yń maqsat-mindeti men qyzmet aýqymyna qatys­ty máselelerdi egjeı-teg­jeı­li baıandap, birqatar túzetýler áýeli birinshi oqy­lymda, keıinnen depýtat­tar usynysymen ekinshi oqylymda qa­ralyp, ma­qul­dandy. Zań jobasyn­da saýda maq­satynda teńiz­de júzý salasyndaǵy ulttyq zań­namany halyqara­lyq sharttardyń talaptary­na sáıkes keltirý usynyl­ǵan­dyǵyn da aıta keteıik.

Sonymen qatar, qujatta shaǵyn kólemdi kemelerdi esepke alý men tirkeýge baı­­lanysty memlekettik jú­ıeni jetildirýge, rels­tik kólikterdiń qaýip­siz­digin qamtamasyz etýge basa nazar aýdarylǵan. «Qa­zir­gi tańda met­ro­po­lı­tendegi qozǵalystyń qaýip­sizdigin jáne teh­nı­ka­lyq quraldardyń jaı-kúıin baqylaý jer­gilikti atqarý­shy organǵa bekitilgen. Al qa­la­­lyq relstik kólik túr­lerine qatysty baqylaý joq. Sonyń saldarynan 2015 jyly Almaty qala­­syn­­da tramvaı 14 avto­kó­lik­ke zalalyn tı­giz­geni esi­mizde. Sondyqtan da, bul qujat temir jol sala­syn­­daǵy tarmaq ıelený­shi­ler men kir­me jol­dar tutyný­shylarynyń araqaty­nasyn ret­teý­di kózdeıdi», – dedi Ý.Qaınazarov.

Jalpy otyrysta «Is­lam Konferensııasy Uıy­myna múshe elder arasyn­daǵy ekonomıkalyq, teh­nıkalyq jáne saýda ynty­maq­tastyǵy týraly bas keli­simdi ratıfıkasııalaý týraly» zań jobasy depýtattar tarapynan qoldaýǵa ıe bol­dy. Atalǵan qujat jóninde negizgi baıanda­ma­ny  jasaǵan Ulttyq ekonomı­ka mınıstri Tımýr Sú­leımenov kelisim maqsaty – Islam Yn­tymaqtastyǵy Uıy­myna múshe memleket­ter ara­syn­daǵy saýda-eko­no­mıkalyq, tehnıka, teh­no­logııa salalarynda ǵyly­mı yntymaqtastyqty da­my­tý jáne ony júzege asyrý baǵytyndaǵy qa­rym-qatynasqa quqyq turǵy­synan jańa múm­kindikter ashyp, órisin keńeıtip, bekitý ekendigin atap ótti.

«Qazaqstan 2015 jylǵy 25 qarashada Ystanbul­da qol qoıǵan bas kelisim arqyly saý­da, ınvestısııalar, ǵylym men tehnologııa salalaryndaǵy yn­tymaqtastyqty ny­ǵaıtýǵa nıetti. Ol birneshe baǵyt boıynsha júrgiziledi. Saý­da salasyndaǵy kelisim múshe elderdiń bir-biri­men teń quqyly jáne kemsitpeıtin saýda qatynastaryn qol­danýǵa, saýda almasýlaryn keńeıtýge jáne damytýǵa kúsh-jiger jumsaýǵa umty­lystaryn kózdeıdi. Al ınves­tısııa boıynsha IYU-ǵa múshe elder, ásirese, Saýd Arabııasy, Kýveıt, Birik­ken Arab Ámirlikteri, Katar, Bahreın sııaqty arab el­deriniń toby – damyǵan já­ne damýshy álemniń ekonomıkalary úshin iri ınvestorlar bolyp tabylady.

Atap aıtqanda, BAÁ ınvestısııalyq qor­la­ry­nyń resýrstary 1 trln AQSh dollaryn qu­raı­dy. Sondyqtan, atalǵan el­derdiń bizdiń ekonomıka­ǵa tikeleı ınvestısııalary­nyń kó­lemi 2,3 mlrd AQSh dollaryn quraıdy. Jáne úshi­n­shi baǵyt ǵylym men tehnologııalarǵa ne­gizdel­gen. Kapıtaldan basqa ıslam elderinde ozyq tehnologııalar bar. Osy kezeńde munaı eksporttaýshy elder atalǵan shıkizattyń eksportyna negizdelgen damý modelin ózgertýge tyrysýda. Olar aqparattyq-kommýnıkasııalyq teh­nologııalarǵa súıenetin ekonomıkanyń ozyq sektorlaryn qarjylandyrý arqyly eko­no­mı­ka­lyq jań­ǵyrtý saıasatyn júr­gizýde», – degen mı­­nıstr, sondaı-aq Qazaq­stanǵa sarapshylar tartý, birlesken zertteýler júrgizý jáne bilim be­rý stı­pendııalaryn alý arqyly tájirıbe já­ne tehnıkalyq múmkindiktermen almasýǵa múm­kindik beriletindigine toqtaldy. Osy oraı­da, bıyl­ǵy jyldyń 10-11 qyr­kúıeginde Astanada IYU-nyń Ǵylym jáne tehnologııalar jónindegi birinshi sammıtin ótkizý josparlanyp otyrǵanyn atap ótken jón.

Sondaı-aq, jıyn barysynda depýtattar «Qazaqstan Respýblıkasynyń keıbir zań­na­malyq aktilerine qorǵanys jáne áskerı qyz­­met máseleleri boıyn­sha óz­­gerister men to­lyq­ty­­rý­­lar engizý týraly» já­ne «Qazaqstan Res­pýb­lı­kasy­­nyń keıbir zańnamalyq akti­lerine ósimdikter men janýarlar dúnıesi máseleleri boıynsha ózgerister men tolyqtyrýlar engizý tý­raly» zań jobalaryn ekin­shi oqylymda ma­qul­dap, «Qazaq­stan Respýb­lıka­sy­nyń dıp­lo­matııalyq qyzmeti týraly» Zańǵa ózge­rister men tolyqtyrýlar engizý týraly» zań jobasyn ju­mysqa qabyldady.

Nurlybek DOSYBAI,

«Egemen Qazaqstan»