Ǵuryptyq rásimge arnalǵan qola shyraǵdan juqa seldir konýs tárizdi tireýish, janýarlardyń músini bar dóńgelek tabaq, sadaq ustaǵan salt attynyń músini jáne tútiksheli tuǵyrdan turady. Qazirgi tańda bul jádigerdiń mekeni – elordadaǵy Ulttyq mýzeı.
Beınesine qaraı otyryp, shyraǵdannyń ǵuryptyq rásimge arnalǵanyn baıqaýǵa bolatyndaı. Ásirese janýarlardyń músini bar dóńgelek tabaqta erekshe kompozısııalyq birlik bar. Bastaryn sol jaqqa buryp ornalastyrǵan on bes buqa men qolyna sadaq ustap turǵan salt attynyń músini kórermendi túrli oılarǵa jeteleıdi. Kópshilik ǵalymdar salt attyny mıfologııada kezdesetin kún qudaıy Mıtraǵa teńeıdi. Al shyraǵdan tabaǵy – ol meken etetin taý. Aıta keteıik, jádiger bizdiń dáýirimizge deıingi III-I ǵasyrdyń enshisine tıesili. Osy zatpen birge tabylǵan kóptegen turmystyq buıymdar qazirgi Almatynyń ornynda buryn da úlken qala bolǵanyn aıǵaqtaıdy.
Aıgúl SEIILOVA,
«Egemen Qazaqstan»
