Konferensııany О́ńirlik habtyń basqarýshy komıtet Tórǵasy Alıhan Baımenov, QR Prezıdenti janyndaǵy Akademııa Rektory Fatıma Jaqypova, AAPA Prezıdenti Pan Sýk Kım, BUU Bas hatshysynyń Ońtústik-Ońtústik yntymaqtastyǵy boıynsha Ýákili Horhe Chedıek ashty.
«Qazaqstandaǵy konferensııanyń Astanada alǵash ótkizilýi áriptestiktiń keńeıýi men Habtyń ǵana emes, Qazaqstannyń halyqaralyq arenadaǵy róliniń artqanyn ańǵartady. AAPA men Hab - aımaqaralyq jáne aımaqtyq yntymaqtastyqty damytýǵa serpin beretin tuǵyrnamalar», - dep atap ótti О́ńirlik habtyń basqarýshy komıtet Tórǵasy Alıhan Baımenov.
QR Prezıdentiniń janyndaǵy Memlekettik basqarý akademııasynyń rektory Fatıma Jaqypova memleketterdiń basqarý júıesine álemde týyndaıtyn tegeýrindi talaptardyń yqpal etetinin atap ótti.
«Álemdik ekonomıkadaǵy daǵdarysty kórinisterge jáne turaqsyz saıası jaǵdaıǵa negizdelgen áleýmettik-ekonomıkalyq transformasııa memlekettik bılik organdarynan uzaq merzimdi ornyqty damýdy qamtamasyz etý men turaqtandyrý boıynsha mindetterdi alǵa qoıýdy jáne olardy sheshýdi talap etedi. Osy kúnderi Astana qalasynda alǵash ret ótkizilip otyrǵan Azııa memlekettik basqarý qaýymdastyǵynyń konferensııasy praktıkalyq mańyzdy usynymdardy ázirleýdiń qalyptasqan kooperasııa dástúrlerin kórsetip berdi», - dep aıtty Fatıma Jakypova.
«Bul alań ǵalymdar men praktıkter arasynda baılanys ornatyp, yntymaqtastyqty arttyrýǵa, ǵylymı jumystar úshin de tamasha múmkindikter beredi», - dedi Pak Sýk Kım.
Onyń aıtýynsha, «mundaı yntymaqtastyq Azııadaǵy jáne jalpy álemdegi memlekettik basqarý salasyndaǵy jańa kásibı qarym-qatynastardy damytýǵa jol ashady».
Joǵary deńgeıdegi «Panazııalyq dıalog: tıimdi basqarý jáne Turaqty damý maqsattary» atty sessııada azııalyq, onyń ishinde, Japonııa, Koreıa, Úndistan, Qazaqstan ýnıversıtetteri men kásibı uıymdar jetekshileri turaqty damý maqsattaryna jetý jolyndaǵy memlekettik basqarý róli men azııalyq qurlyqta áriptestikti keńeıtý joldaryn taldady.
Ártúrli sessııalarda, onyń ishinde jas ǵalymdar Forýmynda Indonezııa, Qytaı, Vetnam, Nepal, Taıvan, Tájikstan jáne basqa elderden kelgen qatysýshylar sandyq tehnologııalar dáýirindegi memlekettik basqarýdy damytý, zertteý jumystaryn jasaý, memlekettik qyzmetkerlerdi oqytý sııaqty máselelerdi qaraýda. Olar azıalyq elderdiń biregeı tájirıbelerin, onyń ishinde Indonezııadaǵy merıtokratııa qaǵıdattaryna negizdelgen memlekettik apparatty damytý, Fılıppındaǵy elektrondy úkimetke degen senimdi arttyrý, Úndistandaǵy IT reformalar jetistikteri, Qytaıdaǵy ekologııalyq saıasat jáne taǵy basqa máselelerdi qaraýda.
Ǵalymdar men parktıkter arasyndaǵy pikir jáne tájirıbe almasý azııalyq qurlyqtaǵy memlekettik basqarý júıesin jetildirý boıynsha ortaq usynystar ázirleýge múmkindik beredi.
