Kezdesýler barysynda mádenıet, sport jáne týrızm salasyndaǵy eki eldiń ózara yntymaqtastyǵyn keńeıtý máseleleri qarastyryldy.
О́zbekstan Respýblıkasynyń týrızmdi damytý boıynsha memlekettik komıtetiniń tóraǵasy Anvar Sharapovpen kezdesý barysynda qazaqstandyq vedomstva basshysy týrızmdi damytý Qazaqstannyń memlekettik saıasatyndaǵy basym baǵyttardyń biri ekendigin atap ótti.
Kezdesý qatysýshylary strategııalyq seriktestik pen tatý kórshilestik qatynasty nyǵaıtý eki eldiń týrıstik salasynyń turaqty damýyna áser etetindigin atap ótti.
Qazaqstandyq vedomstva basshysy Qazaqstan men О́zbekstan shekarasyndaǵy týrıster aǵynyn ulǵaıtý úshin, eki jańa ótkizý pýnkti ashylyp, qazirgi úsheýi – táýliktik rejımge kóshetindigin atap ótti.
Eki el arasyndaǵy temirjol jáne avtobýs baǵyttarynyń ashylýy eki elge de týrıstik aǵynnyń ósimine áser etedi. Almaty – Tashkent, Tashkent – Almaty baǵyty boıynsha júrdek poıyzy iske qosyldy. Astana – Tashkent qosymsha reısteri ashyldy. Astanadan 6 reıs kúndelikti qatynaıtyn bolady. Eki eldiń týrıstik aǵyny vızasyz rejımniń áserinen turaqty deńgeıde.
Sońǵy ýaqytta О́zbekstanǵa baryp-keletin qazaqstandyqtardyń sany ósýde. О́zbekstandyq týrısterdiń basym kópshiligi Býrabaıǵa, Balhash pen Alakól kólderine, «Shymbulaq» shańǵy kýrort bazasyna, Astana men Almaty qalalaryna kelse, qazaqstandyq týrıster Tashkent, Samarqand, Buhara men Hıvany tańdaıdy. Bul qalalar О́zbekstannyń kóne tarıhı murasy ári Uly Jibek Jolynyń mańyzdy baǵyty bolyp tabylady. Osy jyly «Astana – EKSPO2017» halyqaralyq mamandandyrylǵan kórmesin ótkizýge baılanysty ózbek týrısteri tarapynan qyzyǵýshylyq baıqalýda.
«Bizdiń búgingi kezdesýimiz – bizdiń prezıdent Shavkat Mırzıeevtiń Astanaǵa jasaǵan tarıhı saparynyń zańdy jalǵasy. Qazaqstan kórmedegi qurmetti qonaǵymyz bolyp tabylady, osy is-shara barysynda eki el arasyndaǵy týrızm salasyndaǵy kelisimge qol qoıylatyn bolady. Bul О́bekstan ekonomıkasynyń damýyna qosylatyn úlken úles» - dep atap ótti Anvar Sharapov.
Vedomstva basshylary Uly Jibek Joly boıynsha aralas týrlardy iske asyrý múmkindikterin qarastyrdy. Eki eldiń týrıstik áleýetin eskersek, taraptar týrızm salasyndaǵy yntymaqtasty damytý kerek degen ortaq pikirge keldi.
A. Muhamedıulynyń pikirinshe, týrızm salasyndaǵy yntymaqtastyq ekonomıkalyq qatynastardyń nyǵaıtyp qana qoımaı, mádenı, áleýmettik jáne ekologoııalyq salalardaǵy eki el yntymaqtastyǵyn damytýǵa áser etedi.
О́zbekstan Respýblıkasynyń mádenıet mınıstri Mahmýd Mýratovpen kezdesý barysynda qazaqstandyq vedomstva basshysy teatr óneri, kıno jáne mádenı mura salasyndaǵy yntymaqtastyqtarǵa qatysty máselelerdi talqylady.
Osy kúni A. Muhamedıuly О́zbekstan Respýblıkasynyń dene shynyqtyrý jáne sport jónindegi memlekettik komıteti tóraǵasy Rústam Qurbanovpen kezdesti. Sport salasyndaǵy yntymaqtastyqty damytý máseleleri boıynsha pikir almasý ótti.
Qazaqstan Respýblıkasynyń О́zbekstan Respýblıkasyndaǵy Tótenshe jáne О́kiletti Elshisi Erik О́tembaev «Mádenı-gýmanıtarlyq yntymaqtastyq Qazaqstan men О́zbekstannyń ózara qarym-qatynasynyń mańyzdy bir tarmaǵy bolyp tabylady. Arystanbek Muhamedıulynyń sapary EKSPO-2017 mamandandyrylǵan kórmesi aıasynda ǵana emes, týrızmdi damytý sheńberinde bizdiń ortaq jobalarǵa jańa serpin berdi. Biz Orta Azııa aýmaǵyndaǵy qozǵaýshy kúsh bolyp alatyn týrıstik saladaǵy ósimdi damytýǵa tyrysamyz. О́zbekstanda qazaqstandyqtar úshin qyzyǵýshylyq týdyratyn biregeı tarıhı jáne mádenı eskertkishter bar. Al, ózbek týrısteri Astana, Túrkistan, Almaty, Býrabaı sııaqty jerlerge qyzyǵýshylyq bildirýde. Sondyqtan, jańa baǵyttardy ashý týrıstik saladaǵy serpin bolady» - dep atap ótti.
